Items filtered by date: Tuesday, 05 July 2022

Tempotimor (Dili)-Ministru ba Asuntu Parlamentár no Komunikasaun Sosiál (MAPKOMS), Francisco Martins Pereira Jerónimo, husu komunidade iha teritóriu tomak atu kontinua halo prevensaun ba moras dengue hodi hamoos lixu besik uma no labele so’e fo’er iha fatin públiku.

Tempotimor (Dili)-Deputada bankada Kmanek Haburas Unidade Nasionál Timor Oan (KHUNTO), Irene Gonzaga, obriga Governu liuhusi Ministéiru Saúde (MS) atu halo rekrutamentu ba pesoál saúde kontratadu sira ne’ebé mak presta ona servisu iha situasaun pandemia covid-19 ba permanente.

Tempotimor (Dili)-Ministru Justisa (MJ), Tiago Amaral Sarmento simu no reuniaun ho Koordenadora Asosiasaun Esperansa Feto Defisiensia Timor-Leste, Magdalena da Costa ho ninia feto maluk sira hodi ko’alia kona-ba kriasaun asosiasaun.

Tempotimor (Dili)-Ministru Defeza (MF), Filomeno da Paixão de Jesus hatete, planu rekrutamentu ba kadetes foun Membru Falintil-Forsa Defeza Timor-Leste (F-FDTL) hamutuk na’in 600 sei hahú iha fulan-agostu tinan 2022.

Tempotimor (Dili)-Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo hatete, nia parte sei informa preokupasaun utilizasaun karreta estadu nomós rejime espesiál no jerál ne'ebé mak levanta husi Deputadu Bankada KUHNTO, António Verdial ba Primeiru Ministru (PM), Taur Matan Ruak atubele buka solusaun ruma.

Tempotimor (Dili)-Vise Xefe Bankada Congresso Naçional de Reconstrução de Timor (CNRT), Patrocinio Fernandes dos Reis, husu Governu atu fó atensaun ba Estrada sira iha parte Kosta Súl liliu Estrada Betano no Velaluhu, Munisípiu Manifahu.

Tempotimor (Dili)-Ministru Defeza (MF), Filomeno da Paixão de Jesus hatete, Governu sei estabelese autoridade seguransa konjunta husi Falintil-Forsa Defeza Timor-Leste (F-FDTL) no Polísia Nasionál Timor-Leste (PNTL) hodi servisu iha liña Fronteira.

Tempotimor (Dili)-Deputadu Bankada Frente Revolusionáriu Timor-Leste no Independente (FRETILIN), Dário Madeira hatete, Governu daualu presiza halo atendimentu emerjénsia ba estrada husi Munisípiu Vikeké ba postu administrativu sira ne'ebé mak dadaun ne'e hetan estragu husi udan boot foin lalais ne’e.

Tempotimor (Dili)-Deputada Bankada Partidu Demokrátiku (PD) iha Parlamentu Nasionál (PN), Elvina Souza, kontinua hakilar Ministériu Obras Públika (MOP) atu buka rezolve diretu husi eis-traballadór Kompaña Guarda Lorosa'e ne'ebé mak to'o oras ne'e seidauk iha solusaun.

Tempotimor (Dili)-Bankada Frente Revolusionáriu Timor-Leste no Independente (FRETILIN) iha Parlamentu Nasionál (PN) preokupa ho atividade komersiál Timor-Leste nian ne'ebé maioria sidadaun estranjeiru mak okupa hodi hamate komunidade sira atu fa'an kioske.