Login to your account

Username *
Password *
Remember Me

Items filtered by date: Sunday, 24 October 2021

Tempotimor (Baukau)-Organizasaun Popular da Mulher Timor (OPMT) realiza konferensia ba dala-haat iha Munisípiu Baukau, atu reafirma Fretilin ba dezenvolvimentu nasionál.

Published in Politika

Tempotimor (Baukau)-Profesór voluntáriu na’in-15 iha Eskola Sekundária Jerál (ESJ) Dom Cárlos Filipe Belo Kelikai Antigu paralelu Afaça husu ba Ministériu Edukasaun Juventude no Desportu (MEJD) atu dignifika no valóriza sira-nia kna’ar ne'ebé hala’o ona.

Reprezentante Profesór voluntáriu na’in-15, Clara Desa Ximenes haktuir, parte sira hahú kna’ar dezde tinan 2014 to'o ohin loron laiha valorizasaun husi MEJD.

 "Ami la husu buat barak, husu mak valóriza no dignifika ba ami-nia servisu, hahú husi tinan 2014 ne'e la'ós halimar nian, nune'e ami husu MEJD haree sakrifisiu durante ami halo ne'e", aforma nia iha suku Afaça, sábadu (23/10).

Tanba, iha loron 17 fulan-agustu tinan 2020, MEJD orienta ona profesór voluntáriu na’in-15 atu loke konta bankaria no tempu badak atu asina kontratu, maibé naran ne'ebé taka sai invalidu.

"Ami la du'un satisfas ho ida ne'e, ami hakarak husu ministéiru kompetente halo oinsa para ami na’in-15 solusiona ba profesór voluntáriu ida ne'e", dehan clára

Kestaun ne’e, edukasaun nasionál la rekoiñese fali dadus profesóre voluntáriu na’in-15 husi Eskola Sekundária Jerál Dom Carlos Filipe Belo Kelikai Antiga, maibé tuir lei iha ona direitu no devér.

"Tinan 8 ne'e ami la'ós halimar, tuir léi ne'ebé mak iha, iha ne'eba katak tinan lima ami iha direitu no devér atu hetan mós ami-nia direitu", apresenta nia. (*)

Published in Edukasaun & Kultura
Sunday, 24 October 2021 14:28

João Saldanha 'Aseita' Kandidata-an ba PR

Tempotimor (Dili)-Prezidente Partidu Repúblikanu (PR), João Mariano Saldanha, aseita ona ejizénsia Grupu Reprezentativu Juventude Munisípiu 12 inklui Rejiaun Administrativu Espesiál Oekusi Ambeno (RAEOA) atu kandidata-an ba Prezidente Repúblika (PR) iha períodu 2022-2027.

Published in Politika

Tempotimor (Díli)-Sekretáriu Estadu Kooperativa (SEKoop), Elizário Ferreira, hamutuk ho estrutura komemora ezisténsia Kréditu Uniaun nian ba dala-73 iha mundu hafoin aprova rezolusaun husi Konsellu Mundiál.

Published in Ekonomia

Tempotimor (Dili)-Grupu Reprezentativu Juventude Munisípiu 12 no Rejiaun Administrativa Espesiál Oekussi Ambeno (RAEOA) iha Dili, hakarak Prezidente Partidu Republikanu (PR), João Mariano Saldanha kandidata-an ba Prezidente Repúblika (PR) iha períodu 2022-2027.

Published in Politika
Sunday, 24 October 2021 12:38

PNDS ‘Abandona’ UKL iha Suku Makalaku

Tempotimor (Baukau)-Xefe Aldeia Makalira, Afonsu Martins hatete, durante loron lima (5) ona pesoál  Programa Nasionál Dezenvolvimentu Suku (PNDS) abandona kontrusaun Uma ba Kbi’it Laek (UKL) iha Aldeia Makalira, Suku Makalaku, Postu Administrativu Kelikai Munisípiu Baukau.

Published in Baucau

Tempotimor (Baukau)-Komunidade Suku Letemumo, Postu Administrativu Kelikai, Munisípiu Baukau kuaze tinan 10-resin halerik nafatin infraestrutura bázika.

Xefe Suku Letemumo, Paulo Moreirra Soares informa, komunidade sira iha suku Letemumo to'o ohin loron halerik nafatin ba bee-moos, eletrisidade, saúde no estrada.

"Ha’u-nia suku iha sentru, maibé bee-moos mak laiha”, dehan Paulo Moreirra Soares iha Aldeia Manume, sábadu (23/10).

Suku Letemumo iha aldeia lima, aldeia rua mak balun asesu ona bee-moos, maibé iha aldeia haat komunidade seidauk.

"Unamet nia tempu halo duni tanki ida iha ne'eba, maibé balun de'it mak uza, balun seidauk, mais aldeia haat ne'e bee-moos seidauk iha até agora", dehan Paulo

Alende ne’e, liña eletrisidade ne’ebé to’o ohin loron komunidade balun seidauk asesu.

Tanba iha área Uaibitai fulan hirak liuba vizita ona husi Primeiru Ministru (PM), Taur Matan Ruak ne’ebé promete atu dada liña eletrisidade, maibé to'o ohin loron la dauk realiza.

Komunidade parte Lebenei Leten sosa rasik matérial eletrisidade nian hodi dada liña eletrisidade, maibé parte Lebenei Kraik hanesan fatin Uluisigata, Astaunur komunidade barak mak seidauk asesu Eletrisidade.

"Sira totál 125 iha ne'eba seidauk asesu eletrisidade, husi aldeia ida de'it, liliu la hetan ne'e trinta-itál, ba iha parte leten Uaibitai área Laumana nian, ida ne'e seidauk dada duni", haktenik nia.

Komunidade nia halerik la’ós to’o iha ne’e de’it, maibe iha mós problema seluk hanean postu saúde no estrada ne’ebé sai preokupasaun boot.

Iha mós Postu saúde ne’ebé dook tebes husi komunidade kuaze kilometru-6, entaun susar tebes atu hetan lalais tratamentu bainhira iha moras ruma.

Tanba ne'e, kontinua husu ba Governu liuhusi ministéiru saúde atu hari’i postu saúde besik iha komunidade.

"Husu mós ba postu saúde sira ne'e, bele karik postu saúde ida koloka iha ne'e", dehan nia. 

Dala barak liiguais enkontru nível munisípiu, autoridade lokál sempre hato'o komunidade nia preokupasaun, maibé to'o ohin loron laiha rezultadu no bainhira inan isin rua sira atu partus, obrigatoriu tenke tula ho motorizada, dala ruma mós la’o ain kuaze kilometru-6 foin to'o sentru saúde kelikai.

Kazu balun, foin lalais komunidade ida moras gráve atu lori ba sentru saúde halo tratamentu, maibé la konsege salva mate de’it iha dalan.

"Estrada la di'ak, e pois postu saúde ne'e dook, ami mós perna hulan xefe aldeia nia kaben rasik ami hulan husi ne'e to'o hospitál kelikai", informa nia.

Relasiona ho problema estrada, dala barak CDO sira tuun to'o baze hamutuk ho autoridade lokál sira husi suku Baguia, Lakuliu, Abú, no Letemumo halo peskiza, maibé to'o ohin loron nafatin laiha rezultadu.

Kestaun hirak ne’e, nafatin husu ba na’in-ulun sira atu kria dezenvolvimentu ba povu, tanba dala barak indepedensia ne'e, boot sira de'it mak aproveita hodi sa'e karreta di'ak, maibé komunidade iha baze nafatin halerik.

Suku Letemumo kompostu husi Aldeia lima ho uma-ka’in 364 no populasaun hamutuk 3.598. (*)

Published in Ekonomia

Tempotimor (Aileu)-Sekretáriu Estadu Kooperativa (SEKoop), Elizário Ferreira, lansa primeira pedra ba loja kooperativa Kréditu Uniaun Hikis Kosar Hadi'a Moris (CU-HIKHMOR) iha Suku Liurai, Postu Aileu vila, Munisípiu Aileu.

Published in Ekonomia
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter