“Kona-ba Ró Tranship ii, Bom prosesu investigasaun la’o hela ha'u labele pronunsia buat ruma, tanba ida ne'e segredu Justisa ita-boot rasik mós labele halo pronunsiassun ruma husi investigasaun ne'e la'o, to'o iha momentu ida ita hotu ba Tribunál atu akompaña”, dehan Komisáriu Sergio Costa Hornai, iha Salan Laline Larigutu, CNE, Kolmera, segunda (21/02).
Tanba ne’e, KAK kontinua halo investigasaun no husu ba públiku akompaña de’it kazu bainhira to'o tempu ida sei lori ba Tribunál tuir prosesu ne’ebé iha.
“Prosesu hothotu ha'u hanoin ita-boot sira baruk atu toba, mais, prosesu hothotu la'o ninia finalidade sei to'o iha Tribunál, kuandu to'o ona iha Tribunál iha hothotu atubele asesu, kuandu iha ona investigasaun ita ho seriedade atu halo kontinuassun halo konklui investigasaun ne'e atu hatene loloos iha modus operandi ne'e, iha notísia de krime ne'e iha denunsia ne'ebé mak mai ne'e iha duni informasaun sira ne'ebé mak ba iha lei ka la’e?”, afirma nia.
Ho prosesu investigasaun ne’ebé la’o hafoin bele identifika ema balun ne'ebé sai arguidu hodi lori ba Tribunál atu halo akuzasaun.
“Se laiha lei labele akuza konstitui ema ruma hanesan arguidu, se iha razaun tenke konstitui ema sai arguidu e lori ba Ministériu Públiku hodi halo akuzasaun”, esplika nia.
Durante ne'e KAK konsege deteta korrupsaun sira, partisipasaun hothotu, abuzu de poder, máadministrasaun, pekulatu de uzu, pekulatu administrasaun da nosas, krime korrupsaun pasiva, korrupsaun ativa, iha obstrussun sira haruka prosesu sira ne'e ba Tribunál. (*)