Tuir informasaun ne’ebé www.tempotimor.com asesu iha pájina Governu, segunda (14/02) katak, iha sesaun plenária, Ministru Prezidénsia Konsellu Ministrus, Fidelis Manuel Leite Magalhães, ne’ebé halo enkuadramentu jerál ida kona-ba Lei ida-ne’e no hatán ba preokupasaun deputadu sira hafoin halo aprovasaun ba lei refere.
Tanba Konsellu Ministrus (KM) aprova diploma ne’e, iha sorumutuk loron 28 fulan-jullu 2021, ho objetivu liu ona tinan sanulu hafoin hari’i Komisaun Funsaun Públika nian, ho lei ida-ne’e atu reforsa garantia sira independénsia atuasaun Komisaun nian.
Ho ida ne’e, komisáriu sira no iha tempu hanesan atu halo reforma ba ninia ámbitu intervensaun nian, liliu atu rezolve dezafiu sira ne’ebé hasoru, no sai ona obstákulu ida ba efisiénsia funsionamentu Funsaun Públika nian.
Lei foun ida ne’e ho intensaun atu Komisaun Funsaun Públika iha papél apoiu nian ida hodi define polítika públika sira funsionalizmu públiku nian, nune’e mós atu reforsa kompeténsia sira Ministériu sira-nian iha ninia implementasaun, tuir termu númeru 3 hosi artigu da-115 Konstituisaun Repúblika nian.
Lei foun ne’e mós atu klarifika podér sira intervensaun Komisaun Funsaun Públika nian, ne’ebé iha papél hodi garante promosaun ba legalidade, igualdade no independénsia funsaun públika nian.
Aprovasaun Lei Foun Komisaun Funsaun Públika iha Parlamentu Nasionál liuhusi diskusaun jeneralidade ho votu a afavór 32, kontra 6 no abstensaun 1. (*)