“Sim ohin dader ne'e mós iha insidente ida, sidadaun estranjeiru ida ne'ebé mak servisu iha konstrusaun kompaña ETO, iha Kolmera, iha área Vera Cruz ninia ne'e ita hetan nia isin mate, ne'ebé taka ho kaputi (manta)”, dehan Superintendente Henrique, iha Komandu Munisípiu Dili, kinta (10/02).

Nune'e PNTL sira liga kedas ba ambulánsia mai haree maibé la konsege salva nia vida, tanba ne'e PNTL liga mós ba parte forensik no lori kedas ba Ospitál Nasionál Guidu Valadares (HNGV) ba prosesu otopsia.

“Nia toba hela mak mate, maibé ita-nia Polísia investigadór sira haree, nia oin sira ne'e metan hotu, isin sira metan hotu, nune'e sira lori ona bá otopsia hodi hatene motivu husi mate ne’e”, dehan nia.

Entretantu Sidadaun Indonézia ST ne'e nu'udar enjineiru iha konstrusaun edifísiu kompaña ETO iha Suku Kolmera, Postu Administrativu Vera Cruz, Munisípiu Dili. (*)