Login to your account

Username *
Password *
Remember Me

‘Abandona’ Kazu Ró Haksolok, AJAR Deskonfia MP Tauk Lakon Poder 

Ró Haksolok ne’ebé konstrui husi empreza Portugéz para hela iha Nasaun Portugal. Ró Haksolok ne’ebé konstrui husi empreza Portugéz para hela iha Nasaun Portugal. Foto Suplay

Tempotimor (Dili)-Ofisiál Outreach Organizasaun Asian Justice and Right (AJAR), Inocêncio Xavier, deskonfia Ministériu Públiku (MP) liliu Gabinete Kombate Korrupsaun tauk lakon poder tanba durante ne'e abandona hela kazu Ró Haksolok.

"Ami dezafia Ministériu Públiku liliu ida Gabinete Kombate Korrupsaun ne'e, halo servisu ka la'e, barani ka la'e foti risku ba situasaun ne'e, ka imi tauk lakon poder”, deklara nia ba www.tempotimor.com iha nia kna’ar fatin, Farol, sesta (04/02).

Kazu Ró Haksolok ne'e, sosiedade sira ejize bebeik ona ba Inspetór Jerál Estadu, no Ministériu Públiku, ba kazu ne’ebé tama ona iha mandatu Komisaun Anti Korrupsaun (KAK) ninian, bele halo investigasaun, tanba ne'e iha tentativa ba komete Korrupsaun, no defaktu Rogerio Lobato rasik mós fó sai ona vídeo iha mídia sosiál (facebook) katak Ró dodok ona, fatin ne’ebé mak uza ba konstrusaun Ró kuaze la uza ona.

Ministériu Públiku mak nu’udar na'in ba asaun penál, KAK hala'o tuir de'it atribuisaun mandatu husi Ministériu Públiku.

Ho ida ne’e, presiza halo investigasun atu nune'e travaa orsamentu adisional ne’ebé Governu prevé iha tinan 2020 hamutuk milaun $14 atu finalizasun Ró Haksolok.

Haree husi kustu ba adisional ne’ebé mak iha, boot liu fali kustu inisiál ne’ebé mak ho montante millaun $13.

"Agora husu tan $14 milhões ne'e ba osan saida, orsamentu adisional boot liu fali orsamentu inisiál ne'e buat ruma ke laloos”, afirma nia.

Nune'e husu ba Ministériu Públiku atu halo investigasaun, tanba momentu ne’ebé mak Governu no Prezidente Autoridade RAEOA hato'o dehan garante iha fulan-agostu 2021 Ró sei to'o mai, maibé realidade la akontese.

"Ita haree fali mós novidade oin seluk fali. Karik señor Rogeiro Lobato ko’alia de'it, ita bele fiar, ou la fiar, maibé ne'e mai ho kedas vídeo ida konkretamente hatudu Ró nia kondisaun,fatin ba konstrusaun Ró ne'e mós ita haree la trata tiha ona (tidak di urus), ne'e ita atu halo saida, nusa la gasta osan ne'e ba phadi'a povu nia moris”, hatete nia. (*)

Rate this item
(1 Vote)
Last modified on Friday, 04 February 2022 20:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter