Print this page

Prazu Hela Loron 7, TR Seidauk Rejista Kandidatu Ida ba PR

By January 26, 2022 2195
Prezidente Tribunál Rekursu (TR), Deolindo dos Santos. Prezidente Tribunál Rekursu (TR), Deolindo dos Santos. Foto Suplay

Tempotimor (Dili)-Prezidente Tribunál Rekursu (TR), Deolindo dos Santos hatete, dadauk prazu efetivu ba kandidatu sira atu aprezenta sira-nia kandidatura Prezidente Repúblika (PR) hela de'it loron hitu (7) maibé seidauk rejista kandidatura ida mak aprezenta-an ba Tribunál Rekursu.

"Prazu atu simu kandidatura, hela de’it loron 7, atu dehan katak, tempu limitadu ona, maibé to'o agora kandidatu sira seidauk iha ema ida mak lori nia kandidatura ba Tribunál para aprezenta”, dehan nia hafoin audénsia ho Prezidente Repúblika (PR), Aniceto Longuinhos Guterres Lopes, iha Parlamentu Nasionál (PN), kuarta (26/01).

Tuir loloos, parazu ne'e hela loron 9 maibé tanba loron 29 ho 30 ne'e monu iha sábadu ho domingu entaun sura loron efetivu ne'e hela loron 7 de'it ona, mesmu sábadu ho domingu, tribunál halo servisu nafatin maibé la loke ba públiku atu rejistu kandidatura.

Tanba ne'e, Tribunal hein nafatin até ultimu oras 5:00 dia 4 Fevreiru atu simu kandidatura husi sidadaun sira ne'ebé atu kandidatu sira nia-an ba eleisaun PR iha períodu 2022-2027 tanba to’o agora seidauk iha kandidatura ida mak ba aprezenta-an.

Kestaun ba rekejitu parte tribunál labele esplika, tanba iha rekijitu naruk maibé ba kandidatu sira ne’ebé iha interese atu hatene, bele ba sekretariadu TR hodi bele hetan informasaun kompleta. 

"Atu dehan katak ema ida ne’ebe atu kandidatu nia-an sai PR, mínimu komprende rekezitu ne’ebé lei establese ona”, esplika nia.

Maibé iha lei ne'e, ninia rekezitu simples loos, no hakarak kandidatu hatene ida ne'e, entaun rekezitu sira ne'e mak depois Tribunál sei indetifika kandidatu sira kumpri ka la kumpri. (*)

Rate this item
(1 Vote)
Last modified on Wednesday, 26 January 2022 19:19
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items