Login to your account

Username *
Password *
Remember Me

Diskute Fetosan-Umane, TDB Aplika TIR ba Mario Cristovão

Arguidu, Mario Cristovão ne’ebé tur hela iha resintu TDB, tersa (25/01). Arguidu, Mario Cristovão ne’ebé tur hela iha resintu TDB, tersa (25/01). Foto Tempo Timor

Tempotimot (Baukau)-Tribunál Distritál Baukau (TDB), aplika Termu Indentidade Rezidénsia (TIR) ba arguidu Mario Cristovão, tanba diskute malu kona-ba fetosan-umane to’o hamosu dezentendimenu ne’ebé rejulta vítima Armindo Lopes nia liman tohar.

Defensor Públiku, José Delima haktuir, akontesementu ofensas itegridade agravadu ne'e, mosu iha Suku Mehara Munisípiu Lautém, iha loron 22 fulan-janeiru tinan-2022.

Arguidu Mario Cristovão ho vítima Armindo Lopes iha relasaun família nu’udar Subriñu no Tiu, ne’ebé ko'alia relasaun fetosan-umane, maibé mosu dezentendementu vítima Armindo Lopes (Tiu) foti ai baku iha aguidu Mario Cristovão (Subriñu) nia ulun to'o kanek, nune'e arguidu hadaun ai baku fali vítima to'o liman karuk tohar.

Akontesimentu ne’e, Komandu Polísia Nasionál Timor-Leste (PNTL) Munisípiu Lautém kaptura kedas ariguidu Mario Cristovão hodi kumpre sela detensaun oras 72, hafoin iha loron 25 fulan-janeiru tinan 2022 submete ba primeiru interogatóriu.

"Medida koasaun ne'ebé ohin Tribunál aplika mak medida koasaun TIR (Termu Indentidade Rezidénsia), tanba haree ba gravidade ida ne'e, la duun todan tuir lolos nia ligadu ba ofensan integradu simples, maibé seidauk to'o iha ne'eba, maibé sei iha faze medida koasaun, entaun fó TIR de'it," dehan José Delima iha kna'ar fatin, tersa (25/01).

Nune’e, sei hein prosesu husi Ministéiru Públiku (MP) atu kontinua halo investigasaun hodi ba prosesu baibain, tanba kazu refere seidauk to'o iha TIR, tanba sei iha faze primeiru interogatóriu atu fó medida koasaun.

Tanba, parte defeza nia haree sei ba prosesu normál bazeia ba artigu 145 kodigu penál Timor-Leste.

"Parte defeza simu, tanba haree ba asaun ne'ebé nia halo hasoru nia tiu prontu, tanba nia liman, maibé nia rasik mós iha depoitmemtu iha primeiru interogatóriu katak, nia laiha intensaun ruma sira 2 ataka, nia mós losu hodi baku kona nia liman, lezadu mós tama ona terseira idade kona nia liman retak husi laran tohar," nia hatete

Enkuantu, iha julgamentu primeiru interogatóriu ne'e, prezide husi juiz, José Escureal, Ministéiru Públiku (MP), Bartolomeu Araujo no arguido hetan defeza husi Defensor Públiku, José Delima. (*)

Rate this item
(0 votes)
Last modified on Tuesday, 25 January 2022 19:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter