Login to your account

Username *
Password *
Remember Me

Timoroan 400-Resin Hahú Servisu Ilegál iha Korea Súl

Diretór Nasionál Empregu Exteriór (DNEE), Filomeno Soares. Diretór Nasionál Empregu Exteriór (DNEE), Filomeno Soares. Foto Suplay

Tempotimor (Díli)-Diretór Nasionál Empregu Exteriór (DNEE), Filomeno Soares hatete, Governu konsege identifika traballadór sira ne'ebé halai sai husi sistema hahú servisu ilegál iha Korea Súl.

"Ami buka tenta dadus koretu ne'e maibé ita agora dadauk ita fó estimasaun ida katak, maizoumenus liuhusi 400 mak sira hasees-an husi sistema”, dehan Diretór Filomeno ba www.tempotimor.com iha nia kna’ar fatin Bekora, sesta (21/01).

Maibé iha tempu pandemia Covid-19 traballadór halai sai husi sistema (ilegál) balun entrega ona ba adidu iha Korea Súl no balun fila ona mai Timor-Leste.

"Sim, traballadór ilegál, la'ós ilegál lae, sira hasees-an husi sistema maibé sira serbisu nafatin iha dentru de Korea ne'e, ne'ebé ita-nia adidu nafatin servisu maka’as hodi servisu hamutuk ho Korea sira liliu Imigrasaun”, afirma nia.

Tanba ida ne'e parte Sekretáriu Estadu Formasaun Profesionál no Empregu (SEFOPE) kontinua husu ba traballadór atu entrega-an.

"Ita fó morál nafatin ba sira para labele sees-an husi sistema, ita bele dehan sira na’in rasik mak tau sira-nia an iha risku, tanba sira sei labele asesu ba asuransi saúde nian, labele asesu asuransi ba tenaga kerja nian tanba ema ne'ebé trata sira ne'e sees tiha karik ita boot sira mate, direitu sira ne'e kuaze ita-boot sira lakon”, esplika nia.

Nune’e Governu Timor-Leste sempre fahe informasaun ba traballadór sira antes aranka ba katak labele hasees-an husi sistema sira.

Traballadór ne'ebé halai sai husi sistema kontinua nafatin serbisu iha Korea Súl maibé sira la serbisu ona iha Kompaña uluk no sira muda fali ba kompaña seluk ne'ebé Governu rasik la hatene. (*)

Rate this item
(1 Vote)
Last modified on Saturday, 22 January 2022 14:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter