Login to your account

Username *
Password *
Remember Me

KAK Halo Apreensaun ba Diretór Kompaña Ida iha Oekussi

Ekipa Investigadór Komisaun Anti Korrupsaun (KAK) akompaña ho Polísia Nasionál Servisu Investigasaun Kriminál (PNSIK) buska hela dokumentu sira iha edifísiu kompaña nian iha Pademau. Ekipa Investigadór Komisaun Anti Korrupsaun (KAK) akompaña ho Polísia Nasionál Servisu Investigasaun Kriminál (PNSIK) buska hela dokumentu sira iha edifísiu kompaña nian iha Pademau. Foto Suplay

Tempotimor (Díli)-Ekipa Investigadór Komisaun Anti Korrupsaun (KAK) akompaña ho Polísia Nasionál Servisu Investigasaun Kriminál (PNSIK) ezekuta no asegura mandadu Tribunál Rejiaun Administrativa Espesial Oekussi-Ambeno (RAEOA), ho númeru NUC 0057/21.PDOEC data loron 17/12/2021, hodi halo operasaun buska no apreensaun ba suspeitu Diretór Emprez na’in-ida iha Oekussi.

Tuir informasaun ne'ebé www.tempotimor.com asesu iha pájina ofisiál KAK, iha loron tersa (18/01) halo mandadu ba buska iha domisiliáriu no prende sasán ne’e juiz haruka no fó orden atu halo buska iha domisiliáriu ho posibilidade ba prende sasán ne’ebé mak iha ligasaun ho faktu hirak ne’ebé investiga ona, tuir dispozisaun iha art 37 no nú 2, husi KRTL, iha artigu 226 no 1, al. c) artigu 108 no 1 artigu 170, hothotu husi KPP ba suspeitu ninian hela fatin.

Mandadu ne’e fó poder ba investigadór KAK nian hodi halo operasaun buska no apreensaun ba suspeitu Diretór Emprez na’in-ida (1) hanesan mós subriñu husi suspeitu seluk nu’udar Jerente Senior RAEOA/ZEESM ho ninian espouza (co-autor ne’ebé posibilidade bele sai suspeitu) tanba deskonfia envolve iha kazu krime korrupsaun.

Orden ba halo buska ne’e konsede iha autu inkeritu nian NUC S(ic.NUCNo), husi ne’ebé investiga dadaun hela suspeitu kona-ba auto krime, p.p husi artigu kódiku penal nian.

Investigadór KAK sira sei halo investigasaun klean liután hodi rekolla informasaun, evidénsias balun mensiona iha karta mandadu buska no apreensaun ne’e atu revela verdade.

Iha operasaun buska domisiliária no apreensaun loron ohin (18/01) nian, investigadór KAK konsege halibur dokumentu lubun boot, konta bankária, osan mean, osan cash ho montante boot, dokumentu kompaña nian, telefone no dokumentu kona-ba projeitu eletrifikasaun, projeotus cleaning services no projeitu balun iha RAEOA/ZEEMS ne’ebé suspeitu ho ninian espoza nian kompaña manán nu’udar evidénsia no objetivu krime. 

Operasaun ne’e hala’o iha fatin rua hanesan rezidénsia jerente senior rasik iha Sikluli, edifísiu kompaña nian iha Pademau no hetan akompañamentu direta husi prokuradór titular no Juiz ne’ebé hatun mandadu buska no apreensaun Yudi Pamungkas. (*)

Rate this item
(0 votes)
Last modified on Tuesday, 18 January 2022 16:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter