Print this page

MAPKomS Deklara Problema Idozu Bele Rezolve Husi Autoridade Likisá

By January 18, 2022 788
Ministru Asuntu Parlamentár no Komunikasaun Sosiál (MAPKomS), Francisco Martins Jerónimo. Ministru Asuntu Parlamentár no Komunikasaun Sosiál (MAPKomS), Francisco Martins Jerónimo. Foto Suplay

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo hatete, problema idozu ne’ebé hamosu deskonfiansa manunipilasaun iha Suku Vatuvou, Postu Administrativu Maubara, Munisípiu Likisá, bele rezolve liuhusi autoridade munisípiu Likisá tanba sira reprezenta Governu sentrál.

"Bainhira iha kazu sira hanesan ne'e bele hatete ba sira para sira haree, atu nune'e bele kanaliza mai Governu sentrál”, dehan nia iha plenáriu Parlamentu Nasionál (PN), segunda (17/01).

Tanba Autoridade munisípiu to'o suku sira-nia servisu mak ida ne'e, tanba sasán sira ne’ebé akontese iha Munisípiu hothotu, en-relasaun ho estrada, ponte ka buat hothotu ne’ebé mak iha, bele hato'o ba MAPKomS haree depois enkamiña mai Governu sentrál.

"Tanba Prezidente Autoridade Munisipál ou Administradór Munisípiu sira, sira reprezenta Governu sentrál iha ne'ebá, sira iha autoridade atu halo servisu sira ne'e”, esplika nia.

Maibé hanesan kazu idozu nian ne’ebé akontese iha Likisá, Ministru Asuntu Parlamentar no Komunikasaun Sosial hanesan mós ema Likisá, koiñese di'ak señora Dulce, ne'ebé mak sempre ajuda idozu sira, halo nusa mak bele rezolve sira-nia problema.

"Sira (idozu) mak la besik ba karik. Tanba ita iha estrutura tomak to'o iha baze, iha Xefe Aldeia, Xefe suku, mai iha Administradór Postu e Administradór Munisípiu ne'ebé reprezenta governu sentrál iha munisípiu, no iha mós diresaun ne'ebe mak solidariedade ninian, e diresaun hothotu iha ne'eba”, hatete nia.

Ba situasaun parte Governu mós dala ruma haree buat ne'e, tanba servisu saida mak loloos, ida ne’ebé mak buat ida fasíl, maibé sira tenke difikulta fali, hasai fali difikuldade boot iha munisípiu.

"Relasaun ho buat sira emerjénsia sira ne'e, iha munisípiu mós iha administradór iha ne'ebá, nia iha autoridade para bele halo servei”, afirma nia.

Antes ne'e, Vise Prezidente Parlamentu Nasionál (PN), deputadu Luís Roberto, deskonfia Xefe Suku Vatuvou  Postu Adminiatrativu Maubara, Munisípiu Likisá, manipula osan idozu nian.

"Sekunda ha'u-nia maluk deputadu Leandro Lobato ninia ne'ebe mak hanesan señora ida naran Bisoi iha Maubara ne'e loos duni, Governu presiza tun ba identifika didi’ak, tanba iha autoridade lokál balun ne’ebé mak halimar foer iha laran”, dehan nia iha plenária PN.

Deputadu Bankada CNRT, Leandro Lobato hatete, loos duni kona-ba inan feton Bisoi ne'e, hahú husi 2017 to'o agora lasimu osan idozu no iha situasaun ne'e oan sira halo komunikasaun ba parte kompetente maibé laiha rezultadu. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items