Login to your account

Username *
Password *
Remember Me

Situasaun Politika ‘Trava’ Arendatáriu Sira Selu Bens no Móveis ba Estadu

Sekretáriu Estadu Terras no Propriedades (SETP), Mário Ximenes. Sekretáriu Estadu Terras no Propriedades (SETP), Mário Ximenes. Foto Tempo Timor

Tempotimor (Díli)-Sekretáriu Estadu Terras no Propriedades (SETP), Mário Ximenes hatete, situasaun politika no pandemia Covid-19 ne’ebé mosu konsege trava arendatáriu (sidadaun ne'ebé okupa rai estadu) barak atu selu bens e moveis ba Estadu, tanba redimentu menus.

"Iha indivídu balun, ita bele dehan barak mak uza hela rai estadu, bens e móveis estadu balun selu, balun la selu Sira la selu ne'e ita haree situsaun saida mak akontese, primeiru iha krize 2017 mai to'o 2018 ida ne'e mak afeita hela sira-nia rendimentu menus sira la selu, nomós situasaun ida Covid-19 barak mak rendimentu laiha sira la selu”, informa Sekretáriu Estadu Mário iha nia kna’ar fatin, Bebora, kinta (13/01).

Tanba tuir dadus anteriór to’o agora iha 4.414 arrendatáriu efetivu balun la selu inklui kompaña nasionál no internasionál no sidadaun estranjeiru ne’ebé utiliza uma hodi hela.

"Kompaña Maioria selu mais balun la selu tanba hasoru hela krize, balun iha tempu Covid-19 tanba income menus, situaun polítika situasaun pandemia mak sira la selu, maibé sira-nia kompaña filafali normál sira sei selu fali”, afirma nia.

Tanba ne’e, sidadaun no kompaña sira ne'e tenke seluk hodi kumpri nia dever sira, maibé Sekretária Estadu Terras no Propriedades fó tempu ba sira hodi selu tuir faze.

"Maibé hakarak ka lakohi sira tenke selu, selu mak ne'e iha fó tempu ba sira, dívida ne'ebé mak sira selu ne'e ita sei fó tempu ba sira, para bele selu fazeadamente, ita fó sira selu to'o dívida ne'e hotu mak ita foin renova fali kontratu foun ida ne'e mak ita halo ba sira”, deklara nia.

Iha mós sidadaun ne’ebé volutariamente rejista rasik atu uza bens nomoris estadu nia hamutuk 5.000 mak ekipa tékniku husi Sekretária Estadu Terras no Propriedades sei identifika parsela privadu sira uza,

"Tékniku sira sei tun filafali ba haree, sira-nia situadu (fatin) ne'e iha ne'ebé, rai ne'e medida hira, uma ninia medida hira, uma ne'e nia kondisaun oinsá, ne'e mak ita foin fó presu ne'ebé rezoavel ba sira”, dehan nia.

Ba sidadaun sira ne’ebé rejista anteriór no volutariamente atu selu arenda ba Estadu hamutuk rihun-sia-resin iha Sekretária Estadu Terras no Propriedades. (*)

Rate this item
(0 votes)
Last modified on Thursday, 13 January 2022 19:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter