Print this page

MPKM Reafirma Akordu Pelican Paradise ho Governu Legál

By January 12, 2022 675
Ministru Prezidénsia Konsellu Ministru (MPKM), Fidelis Leite Magalhães. Ministru Prezidénsia Konsellu Ministru (MPKM), Fidelis Leite Magalhães. Foto Tempo Timor

Tempotimor (Díli)-Ministru Prezidénsia Konsellu Ministru (MPKM), Fidelis Leite Magalhães reafirma, akordu entre Pelican Paradise ho Governu Timor-Leste kona-ba Investimentu no kontratu arendamentu ne'e legal tanba bazeia ba desizaun Konsellu Ministru (KM).

"Ne'ebé laiha konversa ida, laiha diskusaun kona-ba lei tanba ida ne’e mak ha'u promete hanesan Ministru da Prezidénsia, kna’ar ida prezidénsia konsellu Ministru asegura katak aktu sira Governu halo ne'e legál, karik mós mosu iha letijiu ruma karik Ministru Prezidénsia Konsellu Ministru mak sei reprezenta Governu, entaun konkluzivu katak finál, aktu ne'ebé mak halo asinatura halo, asinatura MKAE kona-ba Spesial Invest  Agreement  (SIA) ho Vise Ministru Justisa ne'ebé halo asinatura kona-ba kontratu arendamentu ne'e legal  tanba baziea ba orientasaun konsellu Ministru”, deklara Minstru Fideliz iha Palásiu Governu, kuarta (12/01).

Tanba membru Governu sira hanesan, Ministru Koordenadór Assuntu Ekonómiku no Ministériu Justisa (MJ) iha dever atu asina buat ne'ebé mak aprovadu tiha ona husi Konsellu Ministru (KM) no hatur tiha ona, husi rezolusaun Governu nian ne'ebé asina husi Primeiru Ministru (PM), Taur Matan Ruak.

Reuniaun ikus ne'ebé mak konsellu Ministru halo, iha 29 Dezembru 2021, dala ida tan orientál atu MKAE no Justisa solusiona aktu lala’ok, situasaun ida kona-ba asinatura, SIA no kontratu arendamentu ne'e iha tempu badak ho ida ne'e iha ne’eba Konsellu Ministru orienta kedan Vise Ministru Justisa halo substituisaun ba Ministru atu asina.

"Tanba ida ne'e mak asinatura ne'ebé halo iha dia 3 de Janeiru tinan 2022 asinatura aktu rua ne'ebé mak mak MKAE halo no Vise Ministru Justisa halo iha Novu Turizmu aktu rua ne'e atu legál hotu, aktu sira ne'ebé sira halo ne'e la'ós reprezenta sira nia-an maibé sira reprezenta Estadu no Governu”, esplika nia.

Maske hetan ona klarifikasaun husi Ministru Fidelis Magalhães, maibé Deputada CNRT, Vergína Ana Belo, konsidera akordu Governu ba investimentu no arendamentu ho kompaña Pelican Paradise la vale.

"Sé situasaun ne'e mak akontese hanesan ne'e ha'u bele hatete katak asinatura saida mak vise ministru justisa halo ne'e, nia laiha efeitu jurídiku, ne'e (núlu)”, dehan Deputada Vergína Ana Belo iha plenária Parlamentu Nasionál (PN), segunda (10/1).

Bankda CNRT sente hakfodak oituan tanba Vise Ministru Justisa (MJ), José Edmundo Caetano konjuga de'it ba Ministru Justisa (MJ) Manuel Carcéres, siknifika asintura sira ne’ebé vise ministru halo prezisa iha delegasaun ruma husi Ministru.

"Tanba nia tenke hetan delegasaun kompeténsia ne'e husi Ministru, tuir orgánika ministériu nian. Desizaun Konsellu Ministru ne'e atende rezolusaun ida, nia labele boot liu lei, entaun saida mak akontese ne'e nulu”, esplika nia.

Deputada CNRT ne'e, lahatene sa toman ida mak mosu iha governasaun ida ne'e, tanba uluk mós akontese situasaun ida ne'e iha Parlamentu Nasionál iha madantu eis-Prezidente Parlamentu Nasionál (PN), Arão Noe Amaral nia tempu.

Maske iha momentu ne'eba, Prezidente Parlamentu Nasionál, la delega kompeténsia ba Vise Prezidente PN, Maria Angelina Saramento Lopes maibé nia deside halo konvoka plenária, hodi hadau poder husi Deputadu Arão Noe.

"Ha’u kestiona situasaun ida ne'e, karik ita toman tiha ona ho buat sira hanesan ne'e favór ida haree para e depois labele hamosu polémika iha públiku”, hatete nia.

Antes ne’e, Akademista husi Universidade Nasionál Timor Lorosa'e (UNTL), Camilio Ximenes Almeida deskonfia, MInistru Justisa (MJ), Manuel Cárceres iha konflitu interes ba akordu investimentu no arendamentu ho Pelican Paradise Group limited.

"Horisehik ha'u rona señor ministru justisa rasik la aseita. Ne'e ha'u atu konsidera dehan saida, konflitu de intrese entre governante sira, liliu iha intermus de koligasaun ne'e nia laran. ha'u deskonfia parese ke fahe pursentu balun ne'ebé mak la hanesan, tanba ne'e mak iha parte ida ita asina tiha, iha parte seluk reklama fali katak nia la aseita”, dehan nia iha kna’ar fatin Kaikoli, kinta (06/01).

Nune’e, Ministru Justisa (MJ), Manuel Carceres hatete, nia parte hakfodak Governu Timor-Leste asina ona akordu investimentu no arendamentu ho Empreza Pelican Paradise group limited, tanba nia parte Ministru Justisain la konkorda iha kontratu arendamentu tuir dekretu Lei 19/2004 Ministériu Justisa nian.

“Ha'u mós hakfodak fali, ha'u hakfodak tanba mídia nasionál sira la ba halo liputan depois ha'u mós la ba ida sua eselénsia Primeiru Ministru mós la ba ne'ebé ba husu sira ne'ebé asina de'it ha'u labele fó resposta tanba Ministru la asina, ha'u la konkorda ho saida mak hakerek iha kontratu de arendamentu, ne'ebé iha parte barak”, dehan Manuel Carceres ba Jornalista sira iha Palásiu Governu, kuarta (05/01). (*)

Rate this item
(0 votes)
Last modified on Wednesday, 12 January 2022 16:52
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items