"Liurai sira ho Prezidente Repúblika, tanba saida mak ida ho pensun vitalísia ida laiha?. Primeiru ita bele kompara, liurai labele kompara ho Prezidente Repúblika, segundu ha'u kontra pensaun vitalísia”, deklara Taur iha salaun sentru konvensaun Baukua vila antiga, kinta (06/01).
Maibé sidadaun hotu tenke hetan seguransa sosiál atu konstribuisaun hanesan ba sidadaun hotu iha territóriu tomak.
"Hothotu tenke hetan seguransa sosiál, kuandu reforma ona simu subsídiu seguransa sosiál”, afirma nia.
Dadaun ne'e seguransa sosiál ne'e iha forma rua hanesan, kontributivu no nonkontributivu.
"Ninia ezemplu mak hanesan terseira idade sira la kontrubuitivu maibé sira simu osan, kompara ho Prezidente Repúblika nia kada fulan fó osan ba seguransa sosiál, tanba ida ne'e mak polítika ida ema la kontrubuitivu labele simu liu fali ida kontrubuitivu”, akresenta nia.
Tanba uluk osan pensaun vitalísia Taur rasik konstribui hodi fó bolsu Estudu ba Timor loan sira atu kontinua estuda iha rai laran no rai liur.
Ho ida ne'e mak hamosu Partidu Libertasaun Populár (PLP) ne'ebé dadaun iha asentu parlamentár ho Polítiku ida atu halakon lei pensaun vitalísia.
“Agora ha'u-nia partidu fó instrusaun para iha Parlamentu defende halakon pensaun Vitalísia”, deklara nia. (*)