Print this page

CNRT Krítika Relatóriu Tribunál Kámara Konta Lahatudu Imparsiál

By January 07, 2022 1154
Deputada CNRT, Carmelita Caetano Moniz. Deputada CNRT, Carmelita Caetano Moniz. Foto Suplay

Tempotimor (Dili)-Bankada Congresso Nacionál de Reconstrução de Timór (CNRT) krítika relatóriu tribunál kamára konta lahatudu imparsiál, tanba la ko’alia kazu Ró Haksolok no Hong Long.

"Ita haree kámara de konta nia relatóriu agora ke sai rame loos ne'e, kona-ba Sacom se la sala dehan halakon tiha estadu nia osan US$11 millaun, e kámara de konta hatete katak tenke halo prosesu kedas hasoru Eis Vise Ministru ka Eis Sekretáriu Estadu, señor Januario. Be nusa kamara de konta la tau tok ida ne'e ba RAEAO, Ró Haksolokaz US$20 ital milhões ne'e, no kazu Hong-Long, agora iha ne'ebé tiha ona”, Deputada CNRT, Carmelita Caetano Moniz, iha PN, kinta (06/01).

Tanba kazu Hong Long ne'e Estadu fakar osan lubuk ida ba ne'ebá, maibé to'o agora prosesu tomak laiha rezultadu ne’ebé determina.

"Ita sosa ikan iha Timor ne'e, ikan sira boot ne'e dala ruma US$100, mais ita fa’an ba Hong Long ne’e, ita fa’an US$150 de'it por tonelada”, kestiona nia.

Bankada CNRT rasik lahatene, tanba durante ne'e CNRT sai hela de'it alvu ba justisa, enkuantu kazu sira seluk hanesan Hong Long ho Ró Haksolok ne'e laiha prosesu.

Iha altura ne'eba, Ministériu Públiku rasik halo ona investigasaun, no halo mós aprensaun ba Ró Hong Long, hodi sai faktu ba julgamentu, maibé ikus mai Tribunál aplika de'it multa ba autór sira konsege fó rihun US$100 ba Tribunál Distrital Baukau.

Purtantu kazu ne'e altura ne'eba konsege viral, no  lahatene to'o agora taka ona ka seidauk, tanba Ró sira ne’ebé autoridade judisial halo aprensaun ne'e agora fila hotu ona.

Husu ba setór judisial sira tenke mantein independénsia no imparsiál, oinsá mak trata ema hotu ho dignu.

"Ne’ebé agora oras tinan foun ona 2022, ami ejize ba orgaun judisiáriu sira mantein sira-nia independénsia, imparsialidade, atuema hothotu hanesan, iha lei nia oin”, hatete nia. (*)

Rate this item
(2 votes)
Last modified on Friday, 07 January 2022 09:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items