Login to your account

Username *
Password *
Remember Me

Deskonfia MJ iha Konflitu Interese ba Akordu ho Pelican Paradise

Dezeñu investimentu pelican Paradise ne’ebé sei halo iha área Tasitolu. Dezeñu investimentu pelican Paradise ne’ebé sei halo iha área Tasitolu. Foto Suplay

Tempotimor (Dili)-Akademista husi Universidade Nasionál Timor Lorosa'e (UNTL), Camilo Ximenes Almeida deskonfia, Ministru Justisa (MJ), Manuel Cárceres ho Vise Ministru justisa, José  Edmundu Caetano, iha konflitu interes ba akordu investimentu no arendamentu ho Empreza Pelican Paradise Group limited.

"Horisehik ha'u rona señor ministru justisa rasik la aseita. Ne'e ha'u atu konsidera dehan saida, konflitu de intrese entre governante sira, liliu iha intermus de koligasaun ne'e nia laran. ha'u deskonfia parese ke fahe pursentu balun ne'ebé mak la hanesan, tanba ne'e mak iha parte ida ita asina tiha, iha parte seluk reklama fali katak nia la aseita”, dehan nia iha kna’ar fatin Kaikoli, kinta (06/01).

Dadauk ne'e, Governu Timor-Leste liuhusi Vise Ministru Justisa (MJ), Jose Edmundo Caetano, konkorda ona no asina akordu ho empreza Pelican Paradise hodi investe otel fitun 5 iha área Tasitolu nian.

Maibé iha situasaun ne'e bele dehan mosu konflitu interese ba malu entre membru Governu sira, ne'ebé mak subar hela iha kontratu refere.

Tanba akordu refere Vise Ministru Justisa reprezenta Governu no asina akordu ho empreza maibé Ministru Justisa, Manuel Carcèrese deklara katak nia parte la konkorda akordu refere.

Ba situasaun ne'e, nu’udar akademista sente admira oituan, no konsidera akordu ne'ebé Governu kria ho Pelican Paradise ne'e laiha baze fundamentu, tanba ministru ida halo kontratu maibé la hetan aseita.

"Parese ke fahe pursentu balun mak la hanesan karik", hatete nia.

Tuir loloos problema ida ne'e, membru Governu sira la presiza reklama iha fatin públiku tanba ida ne'e problema internál, tanba reklamasaun ne’e sei mosu interpretasaun membru Governu iha konflitu de interese ba kontratu.

Nune’e, Ministru Justisa (MJ), Manuel Carceres hatete, nia parte hakfodak Governu Timor-Leste asina ona akordu investimentu no arendamentu ho Empreza Pelican Paradise group limited, tanba nia parte Ministru Justisain la konkorda iha kontratu arendamentu tuir dekretu Lei 19/2004 Ministériu Justisa nian.

“Ha'u mós hakfodak fali, ha'u hakfodak tanba mídia nasionál sira la ba halo liputan depois ha'u mós la ba ida sua eselénsia Primeiru Ministru mós la ba ne'ebé, ba husu sira ne'ebé asina de'it ha'u labele fó resposta tanba Ministru la asina, ha'u la konkorda ho saida mak hakerek iha kontratu de arendamentu, ne'ebé iha parte barak”, dehan Carceres ba Jornalista sira iha Palásiu Governu, kuarta (05/01). (*)

Rate this item
(1 Vote)
Last modified on Thursday, 06 January 2022 17:48
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter