Print this page

POLRI Kaputra Ona 'Autor' Komete Kazu Insestu iha Komoro 

By December 24, 2021 2445

Tempotimor (Dili)-Polísia Repúblika Indonézia (POLRI) konsege kaptura ona autór inisial VFTS ne’ebé komete kazu insestu iha Komoro hodi halai ba subar iha Desa Pukdale-Kupang.

Suspeitu ne’e dadaun iha hela autoridade Seguransa Indonézia nia liman hodi entrega hikas ba autoridade seguransa Timor-Leste prosesa tuir dalan legal.

Tuir kronolojia kazu ne’e akontese iha loron 20 dezembru maizumenus tuku 06:00 lokraik, Suspeitu obriga matebian halo relasaun seksuál, hafoin mak baku mate hodi kesi tali ba kakorok tara hanesan tara-an, iha aldeia moris foun bairu C, Suku Komoro, Postu Administrativu Dom Aleixo, Munisípiu Dili.

Hafoin akontese, PNTL eskudra Dom Aleixo simu informasaun no to’o kedas iha fatin akontesimentu, maibé suspeitu VFTS halai lakon.

Tanba ne’e ekipa Servisu Investigasaun Kriminál Munisípiu Dili rejista ona ho númenru NUK 0636/21/DICMR no matebian nia mate isin dadaun ne’e rai ona iha Mortuariu Ospital Nasional Guidu Valaderes (HNGV), hodi halo autopsia.

Entretantru tuir informasaun, vítima nia isin mate, hetan ona prosesu autopsia husi médiku sira hkdi entrega ba família halo prosesu funerál.

Matebian nia inan ho inisiál WNN husi Indonézia no aman sidadaun timoroan husi Munisipiu Ermera. (*)

 

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items