Login to your account

Username *
Password *
Remember Me

PR Lú Olo Promulga Dekretu Lei Subsídiu Apoiu Idozu no Invalidu

Prezidente Repúblika (PR), Francisco Guterres 'Lú Olo'. Prezidente Repúblika (PR), Francisco Guterres 'Lú Olo'. Foto Suplay

Tempotimor (Dili)-Prezidente Repúblika (PR), Francisco Guterres 'Lú Olo', promulga ona dekretu lei n°19/2008 ba subsídiu apoiu idozu ne'ebé aprova iha Konsellu Ministru, loron 20 outubru 2021 no haruka ba Prezidénsia Repúblika iha loron 5 novembru 2021.

“Iha 10 dezembru liubá, ho kbi’it husi artigu 88, númeru 4, Konstituisaun RDTL, Prezidente Repúblika, Francisco Guterres 'Lú Olo', promulga alterasaun ba  Dekretu-Lei n°19/2008, 19 juñu-Subsídiu Apoiu ba Idozu no Inválidu (SAII)", dehan PR Lú Olo liuhusi Komunikadu Imprensa, kinta (23/12). 

SAII tama iha rejime la’ós kontributivu, maibé rejime ida ne’e finansia husi Estadu de’it atu garante rendimentu mínimu ba idozu sira, no ba sira ne’ebé labele duni servisu, tanba iha problema saúde ka defisiénsia ruma. 

Ho rejime ida ne’e permite fó protesaun netik ba grupu vulnerável rua ne’e, biar oituan de’it.

Bainhira Dekretu-Lei ne’e hahú implementa iha tinan sanulu resin tolu liubá, Timor-Leste seidauk hatuur rejime seguransa sosiál.  

Maibé, diploma ne’e determina tiha ona kondisaun espesiál ida, katak benefisiáriu labele simu subsídiu protesaun sosiál dala rua husi Estadu. 

Iha tinan 2016,  liuhusi Lei n.º12/2016, Estadu Timor-Leste harii Rejime Kontributivu Seguransa sosiál (RKSS). Rejime foun ne’e finansia husi parte rua, husi kontribuisaun traballadór ida-idak nian (4% husi nia totál saláriu fulan ida) no husi ninia entidade empregadora (6% husi traballador nia saláriu fulan ida). 

Rejime foun ne’e fó protesaun di’ak ba traballadór sira no sira-nia família bainhira  lakon rendimentu traballu. Seguransa Sosiál substitui (pelu menus parte balun) rendimentu traballu ne’ebé lakon,  liuhusi prestasaun sosiál. 

Nune’e, traballadór sira ne’ebé mak la simu saláriu ho razaun (lisensa maternidade, moras, invalidés no reforma), sei simu fali prestasaun sosial ne’ebé permite sira hetan rendimentu mínimu, hodi kontinua sustenta-an no sira-nia família. Bainhira traballador-kontribuinte mate, ninia família sei simu prestasaun sosiál/ pensaun sobrevivénsia).

Tanba Timor-Leste hatuur ona Rejime Kontributivu Seguransa Sosiál liuhusi Lei n°12/2016, Governu tenke haree filafali Dekretu-Lei ne’ebé fó tiha ona direitu ba Idozu no Inválidu sira simu subsídiu protesaun sosiál, atu evita selu dala rua.

Kona-ba medida protesaun sosiál ba situasaun rua ne’e, Governu mós tenke haree  Dekretu-Lei n°17/2017 refere ba Rejime Jurídiku ba Pensaun Invalidéz no Vellise iha ámbitu Rejime Kontributivu Seguransa Sosiál (RKSS). Haktuir rejime kontributivu ne’e, benefisiáriu sira ne’e mak, Eis-Traballador sira ne’ebé otas 60 (idade mínimu)/Idozu.

Eis-Traballadór sira ne’ebé tama iha situasaun invalidéz, labele ona servisu tanba kauza fízika ka mentál ruma mosu ho asidente traballu ka moras ruma relasiona ho profisaun.

Ho alterasaun ba Dekretu-Lei n°19/2008, Subsídiu Apoiu ba Idozu ka Inválidu ida, selu tuir kondisaun tuir mai, regra jerál, se mak simu ona SAII labele simu tan pagamentu sira seluk selu husi Administrasaun Sentral Estadu ka husi instituisaun seguransa sosiál.

Maibé alterasaun ida ne’e permite ona benefisiáriu ne’ebé simu pensaun vellise (reforma) ka invalidés absoluta (labele ona servisu) husi rejime kontributivu atu bele mós simu husi SAII, iha situasasaun balun, tuir Dekretu-Lei n°17/2020 ne’ebé foin hetan mós alterasaun. Katak, karik osan pensaun nian husi rejime kontributivu mak kiik liu SAII, benefisiáriu bele simu mós SAII. (*)

Rate this item
(0 votes)
Last modified on Thursday, 23 December 2021 12:08
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter