Print this page

Kazu Insestu iha Komoro Suspeitu Halai Lakon

Matebian CED ne'ebe hatoba hela iha Ospital Nasional Guido Valadares. Matebian CED ne'ebe hatoba hela iha Ospital Nasional Guido Valadares. Foto Suplay

Tempotimor (Dili)-Kazu insestu aman ki’ik (padrastro) ho inisiál VFTS hatudu hahalok imorál obriga oan feto ho naran Inisiál CED ho idade (11) halo relasaun seksuál, ikus mai baku mate vítima.

Tuir kronolojia kazu ne’e akontese iha loron 20 dezembru maizumenus tuku 06:00 lokraik, Suspeitu obriga matebian halo relasaun seksuál, hafoin mak baku mate hodi kesi tali ba kakorok tara hanesan tara-an, iha aldeia moris foun bairu C, Suku Komoro, Postu Administrativu Dom Aleixo, Munisípiu Dili.

Hafoin akontese, PNTL eskudra Dom Aleixo simu informasaun no to’o kedas iha fatin akontesimentu, maibé suspeitu VFTS halai lakon.

Tanba ne’e ekipa Servisu Investigasaun Kriminál Munisípiu Dili rejista ona ho númenru NUK 0636/21/DICMR no matebian nia mate isin dadaun ne’e rai ona iha Mortuariu Ospital Nasional Guidu Valaderes (HNGV), hodi halo autopsia.

Komandante PNTL Munisípiu Dili, Superintendente Xefe Henrique da Costa hatete, kazu insestu suspeitu ho inisiál VFTS hanesan aman ki’ik (padrasto), mak halo violasaun seksuál hasoru vítima CED idade (11), iha aldeia Moris Foun Bairu C, Suku Komoro.

“Kazu insestu ne’e akontese iha loron 20 dezembru iha Suku Komoro, aman ki’ik (padrasto) mak halo duni violasaun seksuál hasoru oan feto, ikus mai baku mate tan vítima”, dehan Henrique, ba www.tempotimor.com liuhusi telefone, kuarta (22/21).

Bainhira kazu ne’e akontese ekipa servisu investigasaun Kriminál Munisípiu Dili to’o iha fatin akontesimentu, maibé suspeittu halai lakon.

“Suspeitu dadaun ami seidauk kaer, tanba ekipa to’o iha fatin akontesimentu halai lakon, maibé ami lansa ona informasaun ba komandu PNTL munisípiu sira hotu no servisu Informasaun Polísia (SIP) buka tuir hodi halo kapturasaun”, hatete nia.

Entretantru tuir informasaun ne’ebé asesu katak, mate isin dadaun ekipa médiku halo prosesu autopsia no sei entrega ba família hodi halo prosesu funerál.

Matebian nia inan ho inisiál WNN husi Indonézia no aman sidadaun timoroan husi Munisipiu Ermera. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items