Print this page

PN Kondena Diretór DNSPPP La Hatene Trata Diretu Liña Frente ba Funsionáriu 1.934

By December 22, 2021 644
Prezidente Komisaun B, José Agustinho Siqueira "Somotxo" . Prezidente Komisaun B, José Agustinho Siqueira "Somotxo" . Foto Suplay

Tempotimor (Dili)-Komisaun B trata asuntu Defeza no Seguransa iha Parlamentu Nasionál (PN), kondena maka’as Diretór Diresaun Nasionál Seguransa Protesaun Patrimónia Públiku (DNSPPP) lahatene halo tratamentu ba funsionáriu 1.934 atubele asesu ba diretu liña-frente.

"Horisehik seguransa sivíl mai halo protestu iha ne'e, kuaze 50 e tal pesoál, ejize sira-nia subsídiu Covid ninian ne’ebé to'o ohin loron seidauk simu. Tan ida ne'e mak dala barak Diretór sira iha instituisaun hatene haruka ninia ema ba servisu, mais lahatene halo orden de servisu”, dehan Prezidente Komisaun B, José Agustinho Siqueira "Somotxo" iha plenária tersa (21/12).

Husu Governu atu  lbuka solusaun ba funsionáriu ne’ebé mak hala'o kna’ar hanesan seguransa sivíl hodi ba destaka iha instituisaun Estadu nian hanesan Parlamentu Nasionál, Prezidensia Repúblika, Palásiu Governu, no seluk tán.

"Sira ne’ebé destakadu hanesan iha Parlamentu Nasionál, Palásiu Governu, Ministériu Negosiu Estranjeiru no Kooperasaun, prezidensia da repúblika, hothotu tenke hanoin para oinsá mak ita-nia seguransa sivíl bele hetan diretu ida ne'e”, afirma nia.

Tanba bazeia ba deklarasaun Ministru Finansa katak,  osan ne'e tenke selu tuir orden servisu ne’ebé hato'o husi instituisaun relativamente ho Covid-19 tanba osan ne'e Estadu nia labele gasta arbiru.

Iha ne'e Komisaun B mós simu keixa husi m grupu balun ne’ebé mak durante ne'e hala'o limpeza iha Dili laran katak dadaun ne'e sira mós la hetan diretu ba liña frente nian.

"Iha tempu Covid sira halo limpeza iha fatin hothotu, ba to'o sentru konfinamentu, iha ne'e no iha fatin hothotu ne’ebé mak skra halo limpeza to'o ohin loron”, esplika nia.

Husu ba Sentru Intergradu no Jesgaun ba Krize (SIJK) atubele klasifika sira iha liña ida ne’ebé, nune'e sira mós bele hetan diretu ba liña frente. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items