Login to your account

Username *
Password *
Remember Me

MAPKomS Prontu Ezekuta Subsídiu Jornalista Liña Frente

Ministru Asuntu Parlamentar Komunikasaun Sosial (MAPKomS), Francisco Martins Jerónimo. Ministru Asuntu Parlamentar Komunikasaun Sosial (MAPKomS), Francisco Martins Jerónimo. Foto Suplay

Tempotimor (Likisá)-Ministru Asuntu Parlamentar Komunikasaun Sosial (MAPKomS), Francisco Martins Jerónimo prontu ezekuta dekretu-lei subsídiu ba jornalista liña frente, ne'ebé promulga ona husi Prezindente Repúblika (PR), Francisco Guterres 'Lú Olo'.

"Ha'u foin rona husi ita-boot sira, tanba ha'u seidauk iha komunikasaun husi Prezidente Repúblika dahan katak, promulga ona ida ne'e, se ita-boot sira dehan kata promulga ona, di'ak, ha'u segunda-feira ba buka para halo prosesu", dehan Ministru Francisco hafoin partisipa Diálogu PR Lú Olo ho komunidade iha Salaun Tokodede, munisípiu Likisá, sesta (17/12).

Bainhira Prezidente Repúblika promulga ona dekretu-lei refere, MAPKomS sei halo prosesu, maibé dekretu-lei ne'e seidauk haruka ba Goovernu haree.

"Ha'u hetan lei ona, ha'u halo prosesu ona, atu simu bainhira ne'e depende ba Ministériu Finansas, ha'u halo prosesu tuir administrativu, Ministériu Finansas mak foti desizaun", esplika nia.

Entretantu dekretu lei ne'e to'o tiha iha MAPKomS, depois mak halo prosesu, tanba Prezidente Repúblika halo pumulgasaun maibé seidauk haruka ba Governu.

"Primeiru Ministru seidauk hatete mai ha'u dehan katak, lei to'o ona, prosesu ne'e hanesan ne'e, Prezidente promulga hato'o mai Governu, governu mai ha'u-nia gabinete e ha'u haree, ha'u halo PrGsesu para halo pagamentu, maibé pagamentu ikus liu Ministériu Finansas ona, ha'u prosesu administrativu, halo tiha hotu lori ba finansas foti desizaun ikus atu halo pagamentu", dehan nia.

Enkuantu, MAPKoms rona ona hanesan ne'e, iha loron segunda (20/12) sei haree no halo prosesu.

Antes ne'e, Prezidente Repúblika (PR), Francisco Guterres 'Lú Olo' deklara, subsídiu ba jornalista promulga kleur tiha ona.

"Jornalista sira-nian prontu kona-ba frontline nian, taun ne'e ha'u promulga tiha ona iha tempu kleur, importante agora Hovernu implementa de'it", dehan PR Lú Olo hafoin presta omenajén ba erói sira iha Ossuáriu Likisá, kinta (16/12). (*)

Rate this item
(1 Vote)
Last modified on Friday, 17 December 2021 19:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter