Login to your account

Username *
Password *
Remember Me

La Hetan Subsídiu Liña-Frente, Funsionáriu DNSPPP 1.834 'Kesar' SEPS ba PN

Membru Diresaun Nasionál Seguransa Protesaun Patrimóniu Públiku (DNSPPP) na'in-50 resin konsentra hela iha edifísiu Parlamentu Nasional (PN), sesta (17/12). Membru Diresaun Nasionál Seguransa Protesaun Patrimóniu Públiku (DNSPPP) na'in-50 resin konsentra hela iha edifísiu Parlamentu Nasional (PN), sesta (17/12). Foto Tempo Timor

Tempotimor (Dili)-Funsionáriu Diresaun Nasionál Seguransa Protesaun Patrimóniu Públiku (DNSPPP) hamutuk na'in-1.915 deside kesar Sekretáriu Estadu Protesuan Sivil (SEPS) ba Parlamentu Nasionál (PN) liliu Komisaun B trata asuntu defeza no seguransa, tanba la hetan subsídiu liña frente.

"Ami ko’alia kona-ba Covid-19 ninian, hanesan servisu liña frente nian, ami sira ne'ebe mak hola parte iha liña frente, ami la hetan. Tanba ida ne'e mak ami hakarak hasoru komisaun B, atu esplika klaru de'it ba ami, razaun saida, tanba fó sai ona iha dekretu lei númeru 17/2020, de maio, no publika ona iha jornál repúblika”, dehan Portavóz DNSPPP, Moricio Jacinto Simões, iha PN, sesta (17/12).

Ho ida ne’e, husu Parlamentu Nasionaá atu esplika tanba funsionáriu DNSPPP mós hola parte hanesan pesoál liña frente niam durante pandemia Covid-19.

Tanba dekretu lei númeru 17/2029 ne’ebé mak promulga husi Prezidente Republika (PR), Francisco Guterres "Lú Olo", mós prevee  diretu ida ne'e ba seguransa sivíl sira-nian, kada loron,  US$5 dolar.

Ba situasaun ne'e membru sira tenta bebeik ona atu hasoru Sekretáriu Estadu Protesaun Sivíl (SEPS) maibé dehan laiha tempu.

"Ida ne'e sira halo deskriminasaun ba ami entre seguransa tolu, F-FDTL, PNTL, no DNSPPP. ne'e mak ami hakarak hasoru na’in-ulun sira atu esplika klean ba ida ne'e”, hatete nia.

Tanba ko’alia kona-ba subsídiu ba seguransa sivíl sira, tinan kotuk (2020) hetan fulan-rua ho valór orsamentu US$2.00, purtantu ba tinan 2021 ne'e, na'in-128 de'it mak konsege asesu no na'in-1.834 la hetan totál.

Ba preokupasaun ne'e, Deputadu Bankada CNRT Domingos de Carvalho ejize ba Governu tenke iha responsabilidade atu rezolve lista subsídiu ba membru DNSPPP na'in-1.834 atu nune'e labele kria deskriminasaun entre seguransa sira iha estadu ne'e.

"Hakarak ka lakohi, tuir ami hanesan liman-ain povu nian, ejize nafatin ba Ministériu tutela atu toma responsabulidade másimu ba diretu seguransa sivíl”, dehan nia. (*)

Rate this item
(3 votes)
Last modified on Friday, 17 December 2021 22:26
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter