"Ró Haksolok ne’ebé gasta tiha ona 14 Milhões, maibé Ró refere seidauk mai até agora, Prokuradór Jerál Repúblika ou Ministériu públiku la delega kompetensia ba KAK hodi loke investigasaun, siknifika PJR no ministériu públiku iha konflitu intrese no PJR ho ministériu públiku mak promove korrupsaun buras iha Timor-Leste”, dehan Daniel Santos do Carmo liuhusi nia Komunikadu ne'ebé www.tempotimor.com asesu iha nia pájina ofisiál, kinta (09/12).

Tanba atu komemora loron kontra Korrupsaun, ida ne'e mak FONGTIL deside hodi halo reflesaun no kontinua esforsu kombate Korrupsaun iha Timor-Leste.

"Ohin (09/12) komemora loron mundial kontra korrupsaun, ho komemorasaun loron refere fó ba ita nu’udar Estadu atu halo reflesaun to’o iha ne’ebé ita-nia esforsu ba prevene no kombate korrupsaun iha Timor-Leste”, afirma nia.

Tanba Governu Timor-Leste halo ona prosesu investiga kona-ba Ró Haksolok iha tinan 2016 maibé seidauk iha informasaun serteza.

"Maske Governu  hahú prosesu sosa Ró nee iha tinan 2016 maibé to'o agora Ró laiha informasaun serteza ho nia paradeiru”, hatete nia.

Haree ba KAK nu’udar Polísia Espesial anti korrupsaun tinatinan Estadu tau orsamentu maibé seidauk responde espetativa públiku liga ho prevene korrupsaun no KAK seidauk hatudu rejultadu servisu hodi prevene ka salva rekursu estadu desde tinan 2010, hari’i ho nia orsamentu kada tinan 1.3 milhões siknifika KAK gasta tina ona purvolta 14 milhões resin. (*)