Prezidente Komisaun A, Joaquim dos Santos hatete, proposta lei estatutu MP ne’ebé submete ba meza komisaun A, iha artigu hamutuk 310, konsege diskute no aprova ona.
"Iha loron kinta (25/11), ami aprova relatóriu diskusaun no lokraik ne’e submete textu finál ba meza hodi ajenda ba diskusaun finál global iha plenária”, esplika nia iha PN, sesta (26/11).
Iha ne'e, konteúdu ka substánsia kona-ba proposta lei ne'e nia normativu ba estatutu Ministériu Públiku, sei halo paralelu ho organizasaun majistradu judisiál.
Mesmu Organizasaun ne’e ida-idak hala’o nia funsaun bainhira konstitui Tribunál atu julga kazu hanesan iha juiz ne’ebé kompeténsia aas liu, no prokuradór nu’udar akuzadór no defensória hanesan defeza, nune’e lei ne’e rekuñese kompeténsia MP. (*)
