Login to your account

Username *
Password *
Remember Me

AUFD Husu Mane iha Ostiku no Darasula Hapara Violensia Kontra Feto

AUFD halo hela marc saúdavel husi suku ostiku to'o aldeia darasula suku, kuarta (24/11). AUFD halo hela marc saúdavel husi suku ostiku to'o aldeia darasula suku, kuarta (24/11). Foto Tomas Freitas

Tempotimor (Baukau) - Asosiasaun Unidade Feto ba Desenvolvimentu (AUFD) Baukau husu ba mane sira husi Suku Ostiku no Aldeia Darasula, Suku Gariuai, Postu Administrativu Baukau Vila, Munisípiu Baukau atu hapara violensia kontra feto no labarik.

Diretóra AUFD, Bendita de Jesus Amaral hatete, liuhusi kampaña loron 16 hapara violensia mak husu ba mane sirabazeia ba jeneru la'e ona halo violensia hasoru feto no labarik feto.

"Primeiru dezamina no alerta fanu ema hotu bele respeita malu minimiza violensia hasoru feto no labarik feto, nune'e mós kondisaun iha situasaun ne'ebé oi-oin, segundu fanu mane sira atu minimiza halakon atitude violensia hasoru feto no labarik", dehan Bendita iha Aldeia darasula, kuarta (24/11).

Liuhusi kampaña fó mós hanoin ba autóridade lokál no nasionál atu kontribui ba prevensaun violensia hasoru feto no labarik feto no labele hakribii’it ema ho difisiensia sira.

Nune'e, Diretóra Asosiasaun Chega ba Ita (ACBi'it), Manuela Liong Pereira mós hatete, husi kampaña loron 16 alerta ba komunidade atu hapara violensia hasoru feto no labarik feto.

"Ita haree violensia ba feto sei nafatin kontinua, tanba sira lahatene hanoin violensia hasoru feto ne'e buat bai-bain", katak nia

Dala barak akontese violensia hasoru feto no labarik feto, tanba tuir istoria ne'ebé beiala sira hatur ona, katak feto iha númeru segundu, maibé iha faze agora feto mós iha direitu atu kompete ho mane sira iha parte dezenvolvimentu.

Entertantu, Xefe Suku Ostiku, Policarpo da Silva sente kontente ho kampaña loron 16 hapara violensia hasoru feto no labarik feto ne'ebé halo marc saúdavel husi suku ostiku to'o aldeia darasula suku gariuai.

Marc saúdavel ne'e, bele mós fó hanoin ba komunidade sira iha suku ostiku no aldeia darasula, atu minimiza problema abandona labarik sira.

"Ita aproveita loron 28 novembru iha ne'e, ita halo pedidu vervalmente ba sira atu halo kampaña iha ne'e, tanba ami iha foho kuiñesementu ba violensia feto minimu tebes", nia hatete

Kampaña loron 16 hapara violensia hasoru feto no labarik feto kompostu ema na'in-100 resin. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter