“Liuhusi parseiru ita hetan informasaun katak, ita hetan mudansa balun, hanesan iha pasadu komunidade sira la hatene atu hato’o keixa ne’ebé sira infrenta no informasaun balun iha pasadu mane sira la dun relata kazu sira ne'ebé iha, maibé liuhusi servisu hamutuk ho rede servisu iha Baukau", dehan Zumilda ba media iha salaun uma dame uatulete Buakau, tersa (23/11).
Nia afirma, realiza Workshop refere, tanba halo kampaña ba loron ativismu hahú husi loron 25 fulan-novembru to’o 10 fulan-dezembru tinan 2021 ne'ebé atu hapara violensia hasoru feto.
Nune’e, Xefi Suku Tirilolo, Postu Baukau vila, Ricardo Ernesto Belo kontinua fahe informasaun ba komunidade atu bele redus problema violénsia hasoru feto iha Baukau.
“Ha'u kontenti partisipa workshop ne’e, ita Timor dala barak tau ita-nia Inan-feton sira iha uma depois sira mak hatene de’it tein no halo servisu iha uma, maibé sira la hatene sai ba liur atu halo servisu seluk", katak ricardo
Entertantu, partisipantes ba workshop refere mai husi rede servisu WVTL, autóridade lokál, komunidade musulmanu no reprezentante juventude iha Munisípiu Baukau. (*)