Print this page

Xefe Aldeia Laidiki Ezije MAKLN Reverifika Dokumentu Veteranu 

By November 20, 2021 667
Prezidente Repúblika, Francisco Guteres ‘Lú Olo’, entrega hela kondekorasaun ba Veteranu sira iha momentu balun liuba. Prezidente Repúblika, Francisco Guteres ‘Lú Olo’, entrega hela kondekorasaun ba Veteranu sira iha momentu balun liuba. Foto Suplay

Tempotimor (Manufahi)-Xefe Aldeia Laidiki, Suku Letefoho, Postu Administrativu Same, Munisípiu Manufahi, Martinho da Silva Mendonça, ezije Ministériu Asuntu Kombatente Libertasaun Nasionál (MAKLN) atu reverifika dokumentu husi veteranu sira-nia.

"Ami veteranu munisípiu Manufahi fó rekomendasaun, bele karik sua eselénsia tenke halo reverifikasaun ba veteranu sira ne'ebé uluk 2003 simu tiha ona osan no sira ne'ebé pendente, kanseladu no sira seluk tan, se ita lahalo reverifikasaun impossível ita atu rezolve buat hotu", dehan nia iha Salaun Parokia Manufahi, kuarta (17/11).

Hatan ba preokupasaun ne'e, Ministru Asuntu Kombatentes  Libertasaun Nasional, (MAKLN), Júlio da Costa 'Meta Mali' hatete, reverifika atubele hetan lalais resposta ba situasaun veteranu prosesu la'o hela.

"Ba preokupasaun ohin husi suku Letefoho, reverifika atubele hetan lalais resposta ba situasaun veteranu, prosesu la'o hela", dehan nia.

Maibé problema dokumentu falsu ne'ebé mensiona, tanba veteranu rasik fasilita hodi falsifika dokumentu ne’ebé hatudu ema falsu sai fali veteranu.

"Ha'u tetu no halo ezersisiu lubuk ida atu haree prosesu ne'e, la fasil tanba ita sira ne'e mak mai foti dadus 2003, tanba saida mak veteranu falsu ne'e mosu, tan ita sira ne'e mak falun iha pasta laran hodi halo falsu sira  ne'e mosu", deklara nia.

Husi dokumentu falsu ne'ebé identifikadu iha data kompletu rihun-rua-ualunulu-resin-ualu (2.088), tenke husik balu ne'ebé dokumentu sala tenke ba hadi’a, no belu prosesu la'o hela, tanba Tribunál rasik mak iha konpeténsia hodi haree falsifikasaun dokumentu. (*)

Rate this item
(0 votes)
Last modified on Saturday, 20 November 2021 11:48
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items