"Ha’u hakarak ko’alia iha ne'e, ha’u hetan keixa ida, dadus ha’u iha, kompaña sira ba tuir tender, iha lei ne'e dehan katak kompaña ida atu tuir tender IT, nia tenke iha esperiénsia tuir ona tender mínimu tinan 1, maibé tender ida ne'e ho montante 1 millaun iha IT nian, ema ida hetan agora dadauk ema ne'e laiha esperiénsia. Ami mós atu halo keixa ba tribunál ho Ministériu públiku”, dehan nia iha PN, sesta (19/11).
Tanba, iha tinan 2021 Parlamentu Nasionál aprova ona orsamentu millaun US$ aloka ba servisu IT nian iha Diresaun Jerál Servisu Koorporativu iha Ministériu Finansa hodi loke konkursu públiku ba kompaña IT sira ne'ebe iha ona esperiénsia mínimu tinan ida tuir lei ne’ebé vigora.
Maibé kompaña balun ne’ebé mak hetan manán konkursu públiku ne'e kompaña foun no laiha esperiénsia kona-ba IT.
Iha kontratu ne'e, tuir estandarte kompaña IT tuir loloos ne'e tenke tama de'it ho rihun-584 de'it mós sira-nia lukru halo komparasaun kustu, sira hetan tiha purvolta rihun U$$120 ou 130, sira-nia lukru iha privated sira-nian kompaña, maibé realidade kompaña ida manán ne'e, laiha esperiénsia, maibé manán ho rihun-990, kuaze 1 millaun.
"Señor ministru ha’u hatene senor ministru foun, diretór ho vise ministra sira tur iha ne'eba ne'e mesak ema tuan de'it, laiha mudansa iha ne'eba. Tanbasá ha’u ko’alia nune'e, ha’u iha dokumentu ne'e, e ami mós atu halo keixa ba tribunál ho Ministériu públiku”, hatete nia.
Liga ba kestaun ne'e, Bankada FRETILIN hakarak lembra kazu RAEOA kona-ba pressu USB (Universal Serial Bus) US$ 4.00, no prosesu dadaun ne'e iha ona tribunál.
Maibé iha momentu FRETILIN sei hanesan opozisaun bainhira RAEOA halo sala oituan mós ema trata Fretilin rahun no deputadu sira mós rona ida ne'e to'o tilun diuk.
"Ha’u hatene ita-boot ministru ida ke hakarak buat hothotu moos iha ne'eba, maibé tenke kontrola kuandu ita-boot asina selebra kontratu sira ne'e. Ha’u hatene ita-boot foun, mais ita-boot nia Diretór no vise ministra mesak ema tuan iha ne'eba, haree didi’ak.E ami hakarak sama atensaun ba senor ministru, kuidadu ho situasaun sira ne'e para marka presu ne'e atu benifisia fali ema seluk”, deklara nia. (*)
