Login to your account

Username *
Password *
Remember Me

Joga Karta To’o Argidu SS Kumpri Prizaun Preventiva

Argidu SS hamrik hela iha parte liman los. Argidu SS hamrik hela iha parte liman los. Foto Tomas Freitas

Tempotimor (Baukau) ‐ Tribunál Distritál Baukau (TDB) aplika prizaun preventiva ba argidu ho inisiál SS, tanba lori tudik sona vítima ZS bainhira sira joga karta hamutuk iha Suku Fuiluru, Postu Administrativu Lospalus, Muniípiu Lautein, fulan-outubru tinan 2021.

Tuir kronolijia husi kazu ne’e katak, argidu hamutuk ho vitíma ZS inklui nia maluk seluk joga karta, maibé iha joga karta ne’e, deskonfia nauk karta, nune’e hamosu hakseluk malu to’o argidu SS lori tudik hakanek vítima ZS iha liman no parte ulun.

 "Argidu naran SS halo ba ema na’in 7 vitíma ZS ne’e motivasaun joga lasatisfaz ho joga tanba iha balun na’ok karta ga hanusa! sira goza malu depois goza malu, hanesan atake malu, duni argidu ba foti tudik hodi sona lezada ida ne'ebé mak hetan kanek", dehan defensór públiku, José Guterres ba media sira iha TDB Villa nova, kuarta (10/11).

Ministériu Públiku (MP) akuza arguidu komete krime ofensas simples ne’ebé previstu iha artigu 146 kodigu penál Timor-Leste ho ameasa pena prizaun loron 30 to'o tinan 3 no konjuga armas brankas ameasa pena prizaun tinan 4 to'o tinan 16.

Nune'e, liuhusi julgamentu primeiru interogatóriu TDB aplika medida koasaun prizaun preventiva  ba argidu, tanba antes ne'e komete uluk ona kazu seluk ne'ebé rezulta Tribunál aplika Termus Identidade Rezidensia (TIR).

"Medidas koasaun primeiru ne'e labele hamate ninia hahalok, entaun presiza prizaun preventiva para aguarda ninia hahalok ne'e labele halo tan, atu prevene situasaun," nia dehan

Julgamentu ne’e, prezide husi Juiz, José Escurial, reprezenta husi Ministériu Públiku, Bartolomeu Dias no arguidu hetan asistensia legál hosi defensor públiku, José Guterres. (*)

Rate this item
(1 Vote)
Last modified on Wednesday, 10 November 2021 15:49
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter