"Iha hela prosesu. Ha'u ko'alia iha prosesu ne'e ema dehan hanesan ne'e, iha hela prosesu ne'e tenke liuhusi prosesu ida”, dehan Sergio iha PN, tersa (09/11).
Kazu delegasaun ba Dubai ne'e dadauk sei iha prosesu tanba presiza halo restrisaun ba ema nia diretu fundamental no tenke ho loloos, atubele iha konkluzaun ida.
"Ha'u labele fó konkluzaun ida antisipada kuandu investigasaun sira ne'e seidauk la'o, e sei halo hela servisu maka’as ho autoridade Judisiáriu sira, no Prokuradór katak ema sira ne’ebé sujeita ba ne'e los ka laloos, sira-nia prezensa ne'e loos ka la'e, ho uza orsamentu ne'e demaiziadu ka la'e”, esplika nia.
Tanba ne'e KAK husu ba públiku atu iha kompriensaun, labele halo espekulasaun tanba kazu ne'e presiza liuhusi prosesu abriguasaun ida no inkéritu ida inklui halo arolamentu ida, análiza ida ke klean, hafoin bele aprezenta.
"Hirak ne'e hotu presiza labele halo espikulasaun mais tenke liuhusi abriguasaun ida, liuhusi inkéritu ida no liuhusi arolamentu ida, análiza ida ke klean, pois mak ita konklui no Ikus liu Tribunál mak sei deside katak buat sira ne’ebé autoridade polisial sira no ministeriu públiku halo ne'e prienxe rekezitu legalidade ka la’e”, esplika nia. (*)