Login to your account

Username *
Password *
Remember Me

Posibilidade Governu Sei La Renova EE ba Fulan-Dezembru

Prezidente Parlamentu Nasionál (PN), Aniceto Longuinhos Guterres Lopes. Prezidente Parlamentu Nasionál (PN), Aniceto Longuinhos Guterres Lopes. Foto Suplay

Tempotimor (Dili)-Posibilidde Governu liuhusi Konsellu Ministru (KM), sei hapara (la renova) Estadu Emerjénsia (EE) ba fulan-dezembru nian, tanba lei sistema saúde hetan ona alterasaun iha Parlamentu Nasionál (PN).

Prezidente Parlamentu Nasionál (PN), Aniceto Longuinhos Guterres Lopes hatete, dadauk deklaraaaun Estadu Emerjénsia ba (fulan-novembru) agora renova tiha ona, maibé antes termina, tenke haruka ona alterasaun lei sistema saude ne'e ba prezidente repúblika atu promulga oinsá mak evita renovasun EE.

Tanba Proposta lei númeru 20/V (2a) prosede ba alterasaun dahuluk ba lei númeru 10/2004, 24 novembru, kona-bá lei sistema saúde nian ne'ebé aprova ho votu afavór 57, iha mós artigu foun balun ne'ebé PN introduz hodi fó kompeténsia ba Governu.

"Tanba ne'e mak ita adianta lalais alterasaun lei ne'e, enkuantu Estadu Emerjénsia ida (fulan-novembru) agora ne'e renova tiha ona, mais antes termina, ita tenke adianta ona, prezidente repúblika promulga ona, parese ba proximu tuir mai agora, ita situasaun di'ak hela hanesan ne'e, ita la presiza renova tan estadu emerjénsia”, dehan nia hafoin konklui diskusaun no aprovasaun finál globál ba proposta alterasaun lei sistema saúde iha plenária PN, kuarta (3/11).

Iha introdusaun artigu 2 iha proposta alterasaun ko'alia kona-bá medida komún, atu bele responde ba kualker pandemia, ne'ebé nak derepente akontese. 

Aleinde iha artigu 3, 4, 5, husi proposta lei sistema saúde ne'e sei fó biban ba Governu atu kria medida halo prevensaun ba covid-19 la liuhusi deklarasaun Estadu Emerjénsia.

Pozisaun Parlamentu Nasionál hein katak, ho alterasaun lei sistema saude ne'ebé mak introduz mós ho artigu foun ba covid-19, parese sei fó hiban ba Governu la presiza dekreta ka deklara tán Estadu Emerjénsia tuir mai. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter