Print this page

PNTL Komesa Investiga Suspeitu Soke Kanek Vítima Nain-2 iha Kolmera 

By October 27, 2021 820
Komandante Departamentu Tránzitu Munisípiu Dili, inspetór Domingos Sarmento Gama. Komandante Departamentu Tránzitu Munisípiu Dili, inspetór Domingos Sarmento Gama. Foto Tempo Timor

Tempotimor (Dili)-Komandante Polísia Nasionál Timor-Leste (PNTL) husi Departamentu Tránzitu Munisípiu Dili, inspetór Domingos Sarmento Gama informa, komandu polísia munisípiu Dili investiga ona suspeitu motorista ho inisial A ne'ebé lori karreta Estadu, ho xapa matrikula 05.930G soke kanek vítima Octavio Soares ho Ana L.Soares ho motorizada Honda Beat Street iha área Kolmera nia.

"Ita investiga ona suspeitu nu'udar funsionariu públiku iha diresaun nasionál seguransa patrimoniu públiku (DNSP) iha Sekretáriu Estadu Protesaun Sivíl (SEPS) no halo detensaun tanba asidente tráfiku ne'e konsidera hanesan kazu niglizente”, esplika nia, iha Kaikoli, kuarta (27/10).

Rezultadu investigasaun hatudu katak asidente ne'e akontese kauza husi suspeitu lori karreta ho kondisaun lanu no viola sinál tránzitu.

Relasiona ho kazu ne'e suspeitu sempre koopera no la halai sees husi nia responsabilidade ba kazu ne'ebé nia komete.

Dadaun ne'e vítima na’in-2 hala'o hela tratamentu iha Ospital Nasional Guido Valadares (HNGV) tanba ho kondisaun gravé.

Entretantu PNTL liuhusi Komandu Polísia Tránzitu Munisípiu Dili rejista ema mate tanba kauza asidente tráfiku hahú husi fulan-janeiru to’o outubru hamutuk nain-12. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items