Print this page

MKAE 'La Hakfodak’ FONGTIL Keisa Delegasaun Expo-Dubai ba KAK

By October 21, 2021 2296
Ministru Koordenadór Asuntu Ekonomia (MAKE), Joaquim Amaral. Ministru Koordenadór Asuntu Ekonomia (MAKE), Joaquim Amaral. Foto Suplay

Tempotimor (Dili)-Ministru Koordenadór Asuntu Ekonomia (MAKE), Joaquim Amaral, nu'udar xefe delegasaun ba expo-Dubai, la hakfodak Forum Organizasaun Noun Governamental Timor-Leste (FONGTIL) keisa delegadaun ba Komisaun Anti Korrupsaun (KAK).

“Ida-ne’e mak resposta, delegasaun ne’e delegasaun ofisiál no ami prontu kualkér momentu ba kooperasaun ho sosiedade sivíl ba kualkér situasaun relasiona ho FONGTIL nia keisa. Ami prontu ba situasaun sira-ne’e”, hatete nia iha Aeroportu Internasionál Prezidente Nicolao Lobato, Dili, kinta (21/10). 

Tanba MKAE hanoin katak despeza ba expo-dubai ne'e Autoridade Nasional Expo Dubai ne’ebé hari’i iha 2018 depois Governu troka no antes FRETILIN hola parte iha Governu.

Purtantu iha altura ne'ebá Expo ne’e lidera husi Francisco Kalbuadi Lay no iha amandamentu hodi troka Francisco Kalbuadi Lay no kontinuasaun programa ne’ebé aprovadu ona.

Tanba ne'e, iha tinan 2021, Estadu Timor-Leste suporta no aseita konvite husi Expo Dubai dezde 2018 maibé ho prosesu naruk ida ne’e Governu prezensa meramente atu realiza de’it programa ne’ebé hala’o tiha ona.

Entretantu iha loron-Kinta (21/10), Forum Organizasaun Naun Governamentál Timor-Leste (FONGTIL) aprezenta ona keixa ba Komisaun Anti Korrupsaun (KAK) atu investiga membru Governu na’in-hitu (7) ho delegasaun hamutuk 120 ne’ebé ba partisipa iha Expo Dubai 2020 nian. (*)

Rate this item
(3 votes)
Last modified on Thursday, 21 October 2021 15:52
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items