“Deteta barak, ema simu pensaun veteranu ne'e hahú husi tinan 2008 mai to'o ohin loron, ami hapara ema ne'ebé simu osan ne'e hamutuk 2.088 iha teritóriu tomak, maibé prosesu ba ohin ne'e la'ós ha'u-nian, ha'u-nian mak taka osan tanba ema kiak mukit barak no prosesu ba oin ne'e Ministériu seluk nian”, dehan nia hafoin sorumutu Prezidente Repúblika, Francisco Guterres 'Lú Olo' iha Palásiu Prezidensiál Bairopite, kuarta (13/10).
Tanba prezidente Repúblika iha preokupasaun kona-ba dadus falsu ka falsifikasaun dadus sira ba veteranu nian, nomós atribuisaun ne'ebé tinan 2020 Governu liuhusi dekretu Governu ne'ebé kontribuisaun ba veteranu 24 anos sira hamutuk 117 pesoál.
“Prezidente Repúblika hakarak hatene no rona mós nia progresu sira e ha'u mós informa”, hatete nia.
Iha mós falsifikasaun dokumentu veteranu falsu, tanba Prezidnete rasik rasik rona informasaun no invidu idea balun mai marka audénsia ho prezidente, nuné Prezidente hakarak konsulta nomós hetan hanoin ruma husi Ministériu ne'ebé tutela ba asuntu veteranu nian.
Enkuantu sira ne'ebé iha momentu ne'ebá tuir dekretu Governu ba hetan atribuisaun sira ba abitasaun uma, veteranu balun halo tiha ona no inaugura, maibé barak seidauk la'o ho razaun Estadu Emerjénsia no konfinamentu obrigatóriu. (*)