Print this page

Governu Sei ‘Obriga’ Hasai Sidadaun Okupa Rai Estadu

By October 02, 2021 1851
Sekretáriu Estadu Terras Propriedades, Mário Ximenes. Sekretáriu Estadu Terras Propriedades, Mário Ximenes. Foto Tempo Timor

Tempotimor (Díli)-Sekretáriu Estadu Terras Propriedades, Mario Ximenes hatete, Governu sei obriga hasai sidadaun ne'ebé okupa rai estadu, bazeia ba lei númeru 8/2017 ne'ebé ko'alia kona-ba espropriasaun por utilizadór públiku.

"Sira ne'e hakarak ka lakohi tenke sai sira-nia presu termina hotu ona iha ida rua mak ulun to'os maibé tenke sai ne'ebé hakarak ka lakohi lei fó kompeténsia atu hasai, lei nu. 8/2017, espropriasaun por utilidade públiku, iha estadu de kompeténsia ida ne'e”, deklara Mário ba jornalista sira iha Ministériu Finansas, sesta (01/10).

Tanba Governu rasik mós selu ona indiminizasaun bazeia ba kontratu ne'ebé mak sidadaun sira antes ne'e asina ona.

"Maibé estadu la'ós hasai de'it estadu mós rekoñese sira-nia direitu, estadu mós labele tuir demais sira-nia hakarak, estadu ne'e plafon propriu atubele indiminizasaun sira dalaruma iha ida rua mak tuir estadu nia hakarak ne'e imposível ne'ebé hakarak ka lakohi atu ezekuta”, afirma nia.

Maske Estadu rasik iha kompetensia atu hasai sidadaun sira, maibé aplikasaun nafatin indiminizasaun bazeia ba tabela ne'e aprova husi rezolusaun Governu.

"Indiminizasaun ita halo hotu ona, hela ida rua ne'ebé ulun sei to'os ne'e mak sei Hela. Lei hanesan ohin ha'u dehan ne'e”, dehan nia.

Haree ba Lei númeru 8/2017 Espropriasaun por utilizadór públiku, hodi hasai sidadaun ne'ebé mak la kontribui ba Estadu no Governu. (*)

Rate this item
(0 votes)
Last modified on Saturday, 02 October 2021 17:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items