Login to your account

Username *
Password *
Remember Me

Komisaun A Kontinua Diskute no Aprova Artigu 200-Resin iha Estatutu MP

Vise Prezidente Komisaun A, deputadu Francisco de Vasconcelho. Vise Prezidente Komisaun A, deputadu Francisco de Vasconcelho. Foto Tempo Timor

Tempotimor (Dili)-Komisaun A ne'ebê trata asuntu justisa no Konstituisionál iha Parlamentu Nasionál (PN) deside kontinua halo diskusaun no aprovasaun espesialidade ba artigu 200-resin ne'ebé prevé iha Proposta-Lei Estatutu Ministériu Públiku (MP).

"Estatutu Ministériu Públiku, foin mak ita konklui 34 artigu, e falta 200-ital artigu, tanba artigu boot barak ne'e. Depois dia 6-7-8, mak foin kontinua fali diskute proposta lei estatutu do Ministériu Públiku nian”, dehan Vise Prezidente Komisaun A, deputadu Francisco de Vasconcelho iha PN, kuarta (29/09).

Ba diskusaun proposta lei estatutu Ministériu Públiku tuir loloos iha 29fulan-setembru, Komisaun A atu kontinua debate iha espesialidade tanba sei prioridade ba projetu-lei 33/V (4a) alterasaun dahuluk ba lei n’umeru 5/2016, 25 maiu, kona-ba estabelece o procedimento de Conceção de Indulto e Comutação de pena.

"Tanba projetu ida ne’e, nia fó prazu ba komisaun A ne'e 10 dias de'it, e semana hira liuba fó tiha mai, e termina aban (30/09)”, hatete nia.

Tanba ne’e, komisaun A espera aban loron 30 setembru tenke finaliza relatóriu paraser hodi submete ba Prezidente Parlamentu Nasionál (PN) depois iha loron 6 ka 8 fulan-outubru mak foin kontinua diskute hikas proposta-lei kona-ba estatutu Ministériu Públiku nian.

Komisaun A halo diskusaun espesialidade ba Proposta Lei no 24/V/3ª – Estatutu Ministériu Públiku. Enkuantu, Parlamentu Nasionál liuhusi Komisaun A, halo ona diskusaun iha espesialidade ba Proposta Lei no 24/V/3ª kona-ba Estatutu Ministériu Publiku, ho total 247 artigo.

Nune'e, diskusaun ne’ebé hala’o iha loron 22 to’o 24 fulan-setembru tinan 2021, iha salaun Mukit Aisirimou Munisípiu Aileu ne’e aprova ona artigu hamutuk 34. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter