"Iha tinan 2020 nia laran, iha kazu ida iha Bali, Bruno nian, ne'ebé mós akontese iha ne'ebá, ne'e mós ami halo koordenasaun ho POLDA Metro Jaya, ami ko'alia assuntu ida ne'e, e sira investiga nusá ami partisipa e monitoring nafatin ikus liu sira hetan pena prizaun tinan ida ba Cipinang-Indonézia”,  dehan Julio Hornai ba jornalista sira iha Rezidénsia Primeiru Ministru, Taur Matan Ruak, Faról, sesta (24/09).

Iha mós kazu ida husi estudante Timoroan  ida iha Jogja halo problema ho estudante sira iha ne'ebá nune'e kazu ne'e to'o iha kadeia maibé ikus mai kontaktu ho INTERPOL iha Indonézia no rezolve hikas.

"Kazu ida iha Jogja ita-nia estudante ida mak iha problema ho estudante balu iha ne'ebá e konsege ba to'o iha kadeia depois ami koordena malu fali ho situasaun ida ne'e nia hakarak husu atu fila mai Timor ne'ebé ami haruka surat ida ba INTERPOL atu verifikasaun ba Meta (ema nia naran)  nia envolve iha krime terorista ruma la kazu buat ruma, mais grasas de Deus laiha entaun konsege liberta nia husi kadeia ne'e mai iha Kupang depois mai liu mai Timor, iha Kadeia refere la to'o tinan ida karik nia durasaun ha'u haluha”, informa nia.

Nune'e iha mós kazu seluk ne'ebé mak akontese iha Bali maibé Adidu Seguransa konsege rezolve tuir família, nune'e mós kona-ba servisu hamutuk ho Polísia Republik Indonézia (POLRI) nune'e orienta Polísia Nasionál iha Belu-NTT (Nusa Tengara Timur) hodi kaptura Timoroan ne'ebé mak sa'e sintu iha Indonézia hodi entrega filafali ba Timor.

"Sira halo asaun imediata hodi kaptura ita-nia alin sira ne'ebé sa'e sintu iha ne'eba hodi deporta mak Timór”, esplika nia. (*)