"Ministériu liuhusi Terras Propriedade, identifika ona fatin tolu mak hanesan ida iha Hera, iha Tibar ida mak dalen ba Aileu ne'e Beduku, rai iha ita halo realokasaun ba ita komunidade afeitadu sira", dehan Ministru Cárceres ba jornalista sira iha Palásiu Governu, kinta (23/09).
Intensaun husi Ministru Justisa nia hakarak sidadaun ne'ebé mak mai husi parte iha leste ne'e sei fahe ba rai leste nian nune'e mós husi oeste nian mós fahe tuir nune'e.
"Ha'u-nia intensaun ami Lorosa'e ne'e fahe ba Lorosa'e ne'e ba Hera, sira loromonu ne'e ba Tibar ne'eba ne'e sira rai klaran ne'e bele ba Beduku", esplika nia.
Dadaun ne’e, hein hela Ministériu kompetente sira ne'ebé atu halo realokasaun ba komunidade afeitadu inundasaun sira bainhira halo realokasaun maibé ba parte Ministériu Justisa nian liuhusi Sekretáriu Terras Propriedade prontu atu oferese rai ba vítima sira ne'e. (*)