"Prosesu oras ne'e atu dehan ba ita-boot sira, lei la'o hela ami halo hela prosesu preparasaun ba tanba ita-boot sira hatene katak lei anteriór ne'e apropriadu ba de'it funsionáriu públiku ho ema sira iha liña frente entaun jornalista sira presiza lei propriu rasik atu nune'e bele fó dalan hodi hetan subsídiu”, informa Ministru Francisco Jerónimo iha Rezidénsia Primeiru Ministru, segunda (20/09).
Maibé seidauk iha loron ne'ebé mak terminasaun ba kriasaun lei ne'e no esplika de'it katak nia prosesu la'o hela tanba ida ne'e mak presiza tempu hodi hein, no MAPKomS lakohi kriasaun lei ne'e veta iha Prezidente Repúblika nia meza.
"Entaun ita halo prepara didi’ak koordenasuan didi’ak atu nune'e buat ne'e hotu di'ak karik ba aprova no promulga ne'e bele halo Ezekusaun ba jornalista sira" esplika nia
Kriasaun lei ne'e mós sei define jornalista ida ne'ebé mak durante ne'e servisu ba liña frente iha direitu tomak hodi hetan subsídiu sira ne'e bazeia ba lista ne'ebé mak na'in ba mídia entrega ona ba Ministériu Assuntu Parlamentár Komunikasaun Sosiál (MapkomS).
Dadaun ne'e lista jornalista husi kada instituisaun mídia nian entrega ona ba Ministériu Assuntu Parlamentár Komunikasaun Sosiál (MapkomS) hodi hein lei ne'ebé mak oras ne'e prepara no nia Ezekusaun. (*)