FRETILIN Promete Produz Feramenta Legál Kombate Krime Organizadu

Xefe Bankada Frente Revolusionáriu Timor-Leste no Independente (FRETILIN), Francisco Miranda Branco. Xefe Bankada Frente Revolusionáriu Timor-Leste no Independente (FRETILIN), Francisco Miranda Branco. Foto Suplay

Tempotimor (Dili)-Xefe Bankada Frente Revolusionáriu Timor-Leste no Independente (FRETILIN), Francisco Miranda Branco hatete, bankada Fretilin promete sei halo esforsu hodi produz Feramenta Legál atu kapasita orgaun ezekutivu oinsá bele kombate ba proliferasaun krime organizadu iha Timor-Leste.

"Bankada FRETILIN komprometidu halo esforsu hotu durante V lejislatura atu prodúz ‘ferramentas legais’, hodi kapasita Órgaun Ezekutivu atu kombate ba proliferasaun krime organizadu iha ita-nia Rai Doben Timor-Leste", dehan nia iha Parlamentu Nasionál, kuarta (08/09).

Maske Timor-Leste laiha lejislasaun espesífika ba krime organizadu, maibé bele adota Convenção Nações Unidas (UNCAC) nian ba kombate korrupsaun, ne’ebé bele hamosu lejislasaun ba brankeamentu kapitál no anti-korrupsaun.

Ho esforsu dahuluk ne'ebé Bankada FRETILIN sei halo, oinsé aselera diskusaun no aprovasaun ba Lei da Organização de Investigação Criminal nomós kontribui ba hari'i Polítika Nasionál Seguransa nian.

Tanba atu kombate krime organizadu, institusionalizadu, ne'e hothotu presiza onestidade, seriedade, konsisténsia no ‘boa governasaun’, nune'e hametin kooperasaun internasionál (INTERPOL), nomós komunikasaun Institusionál permanente entre Órgaun Soberanu sira ba asuntu ida-ne’e.

Aleinde, presiza asegura mós servisu hamutuk instituisaun relevante sira hanesan Ministériu Públiku, PCIC ho PNCIC, CAC, Forças Defesa no Segurança, Serviços Inteligência no Serviços de Informação, no seluseluk tan. Atu susesu iha Luta hasoru krime organizadu presiza vontade no esforsu koletivu, Unidade no Asaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter