“Husi ema na’in 12 ne'ebé polísia kaer iha kazu Leorema, Munisípiu Likisa, na'in 11 hetan prizaun preventiva no ida ikus liu, arguidu ne'ebé aprezenta nia an rasik, hetan aprezentasaun periódika semana ida dala rua, iha eskuadra polísia ne'ebé besik liu," dehan Prokuradór Jerál Repúblika (PJR), José da Costa Ximenes iha Palásiu Prezidensiál Bairro-Pite, Segunda (05/08/2019).
Kazu Leorema ne'ebe deskonfia iha involvimentu grupu arte marsiais sira maka estadu Timor Leste bandu ona ne'e, hamate ema nain rua, halo estrragus ba uma komunidade sira nian liu sanolu no hamosu ema liu atus ruma mak sai refunjiadus iha meadus 2019 ne'e.
Tuir PJR, kazu krime balun hanesan arguidu sira ne'ebé taa membru Falintil Forsa Defeza Timor-Leste (F-FDTL), iha área Bebonuk, arguidu ida tama prizaun preventiva no restu hetan aprezentasaun periódika.