Tanba prosesu sira aprovizionamentu nian, ekipa tékniku sira remata ona nia prosesu hodi hein prosesu loke konkursu públiku ba kompaña sira hodi halo reabilitasaun.
“Orsamentu ba konstrusaun sira morru rua ne'e besik US$300 itál mill dolláres. Morru rua ne'e, Suai nian boot liu oituan, depois mak Gleno nian. Gleno nian US$100 itál mill, Suai nian mós US$100 itál mill, mais Suai nian boot liu oituan”, dehan Ministru Justisa, Manuel Cárceres da Costa, iha Palásiu Governu, kuarta (04/08).
Tuir planu minitériu nia sei halo uluk reabilitasaun ba morru iha prizaun Suai nian, tanba iha Gleno sei aplika hela Konfinamentu Obrigatóriu ho Serka Sanitária.
“Iha Gleno, horibainhira ha'u ba haree ona, sira hatudu ona atu hadi'a oituan iha sela, liliu kala Sela Feto nian”, informa nia.
Enkuantu, prizaun Bekora, iha Munisípiu Dili nian sei halo de'it manutensaun ba edifísiu, tanba kondisaun moru sei di'ak.
“Ne'ebé osan manutensaun edifísius ne'e mak ami fahe tiha oituan-oituan, tanba ne'e hadi'a oituan de'it, la'ós buat barak ida”, hatete nia. (*)