Print this page

Defisiente Husu PR Lú Olo ‘Apita’ Governu Rezolve Internet

Diretór Ezekutivu AHDMTL, Gaspar Afonso ho ekipa ko'alia hela ho jornalista sira iha Parlamentu Nasionál (PN) iha tempu balun liubá kotuk. Diretór Ezekutivu AHDMTL, Gaspar Afonso ho ekipa ko'alia hela ho jornalista sira iha Parlamentu Nasionál (PN) iha tempu balun liubá kotuk. Foro Tempo Timor

Tempotimor (Dili)-Asosiasaun Halibur Difiensia Matan (AHDM) Timor-Leste husu Prezidente Repúblika, Francisco Guterres 'Lú Olo' atubele informa ba governu rezolve rede Internet ne’ebé lentu durante ne’e.

"Ita ko'alia kona-ba Edukasaun tanba dadaun ne'e ita susar tebes atu bá eskola, uza online mós difikuldade tebtebes, ninia jarigan lentu tebtebes tanba ne'e mak ita ko'alia ba Prezidente Repúblika hanesan orgaun soberania, Unidade nasionál atubele hato'o ba governu kona-ba área hirak ne'e”, dehan Diretór Ezekutivu AHdM, Gaspar Afonso, iha Palásiu Prezidensiál Bairopite, sesta (30/07).

Tanba ne’e, ema ho kondisaun normal ne’ebé asesu Internet hanesan mós ema ho difisiente sira susar atubele partisipa aula online. Haree ba ema difisiensia ne'ebé asesu edukasaun hamutuk 30 no na'in-13 ih ensinu rekorente, na'in-8 iha universidade nomós na'in-14 hotu ona iha Pre-Sekundaria maibé abandona hela.

Nune'e husu ba Ministériu Ensinu Superior tenke haree ho situasaun ne'e, la bele ko'alia promete, tanba US$30 ba estudante ne'e mós balu hetan balu seidauk.

"Agora estudante rai li'ur sira fó prioridade, estudante rai laran sira la fó prioridade, ida ne'e mak diskriminasaun nafatin akontese tanba ne'e mak sira mai hato'o ba Prezidente Repúblika hanesan aman ba nasaun tenke haree ba situasaun ne'e”,dehan nia. Ba númeru ema ho difisiensia matan iha Timor-Leste hamutuk 14.828. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items