Login to your account

Username *
Password *
Remember Me

Partidu Balun La Priense Kritéria ba Konkore Eleisaun Parlamentar 2023

Prezidente Tribunál Rekursu (TR), Deolindo dos Santos. Prezidente Tribunál Rekursu (TR), Deolindo dos Santos. Foto Suplay

Tempotimor (Dili)-Prezidente Tribunál Rekursu (TR), Deolindo dos Santos informa, partidu balun sei lakonkore iha eleisaun parlamentar tinan 2023, tanba la priense ona kritériu nu’udar Partidu Politiku.

“Partidu lubun boot ida iha ne'ebá, ha'u hanoin, ha'u la fiksu númeru ona, mais partidu lubun ida ne'ebé iha tempu hirak liuba Tribunál Rekursu deside tiha ona katak, sira la priense kritéria nu'udar partidu polítiku atu kontinua konkore ba eleisaun tuir mai, ida ne'e desizaun rekursu nian iha ne'ebá”, dehan nia hafoin reuniaun ho Prezidente Repúblika, Francisco Guterres 'Lú Olo' iha palásiu prezidensiál Bairopite, tersa (27/07).

Partidu ne'ebé moris hela no partidu ne'ebé la ejiste ona tuir lei la'ós mate tanba razaun saida, mais tanba lei mak hatete la bele ona atu konkore eleisaun tuir mai.

Nune'e tuir dadus ne'ebé asesu husi Tribunal Rekursu Dili, partidu ne'ebé la konkore ona iha eleisaun tuir mai hamutuk 7 hanesan partidu, Klibur Oan Timor Asuawain  (KOTA), Assosiasaun Sosial Demokrata Timorense (ASDT), Partidu Trabalhista Timorense (PTT), Partidu Nasionalista Timorense (PNT), Partidu Unidade Nasionál (PUN), Partidu Demokrata Liberal (PDL), Partidu Nasionál Timor-Leste (PARENTL).

Entretantu partidu ne'ebé oras ne'e eziste iha Timor-Leste mak, lista kandidatu ligasaun Frente Dezenvolvimentu Demokrátiku (FDD), Aliansa Mudansa ba Progresu (AMP), Movimentu Dezenvolvimentu Nasionál (MDN), Movimentu Sosial Demokrata (MSD), Partidu Republikanu (PR), Partidu Esperansa Pátria (PEP), Frente Revolusionariu Timor-Leste Independente (FRETILIN) no Partidu Demokrátiku (PD). (*)

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter