Print this page

Durante Fulan Rua, PJR Rejista Kazu Pendente 2.721

Prokuradór Jerál Repúblika (PJR), Alfonso Lopez. Prokuradór Jerál Repúblika (PJR), Alfonso Lopez. Foto Suplay

Tempotimor (Dili)-Prokuradór Jerál Repúblika (PJR), Alfonso Lopez informa, durante fulan rua hahú husi Maiu to’o Juñu rejistu kazu pendente hamutuk 2.721.

“Durante fulan-Maiu to’o Juñu nian, entaun ida ne'e movimentu prosesual hanesan iha fulan ida liu ba nia pendénsia 2.721 depois kazu entrada iha nivél nasionál 148, prosesu ita-nia Prokuradór sira servisu ho makaas fim do remata tantu akuza no arkiva totál 396 prosesu”, informa PJR, hafoin reuniaun ho Prezidente Repúblika iha Palásiu Prezidensiál Bairopite, tersa (06/07).

Tanba ne’e, kazu pendente atual 2.736, nunee iha fulan-maiu 398, depois konfinamentu ne’e termina, serka sanitária durante iha Dili ho Baukau, entaun aumenta númeru prosesu 448 no entrada aumenta 50, loke konfinamentu entaun komesa ema barak mai keixa ka partisipa.

“Depois iha fulan-Maiu liuba ita konsege termina findus 253, depois iha fulan-Junu ne’e ita-nia Prokuradór termina akuza, arkiva 396, entaun ita mais de prosesu, akuza, arkiva 143”, hatete nia.

Krime dominante, sempre iha nasionál ne'e krime ofensas, korporais, violénsia doméstika, abuza seksual menór no balun omesidu no krime sira seluk.

Entretantu, iha enkontru ne'e Prezidente Repúblika, Francisco Guterres ‘Lú Olo’, nia mensajen katak Ministériu Públiku assume papél ida ne'e ho objetividade, legalidade, vertikal ba leten, sujeitu de’it, obedese, hakruk de’it ba konstituisaun ida ne’e avansa nafatin. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items