Timoroan Pursentu 78 Hetan Torturasaun Psikolojia iha Tempu Indonézia

Ministru Justica (MJ), Manuel Cárceres. Ministru Justica (MJ), Manuel Cárceres. Foto Tempo Timor

Tempotimor (Díli)-Ministru Justica (MJ), Manuel Cárceres hatete, durante tempu invazaun Indonézia, timoroan liu pursentu 78 (78%) mak hetan torturasaun psikolojia.

“Ita-nia maun, ita-nia bin sira ne'ebé liuhusi dadus iha tempu okupasuan nian sira espresa rasik, maibé dala barak ne'e iha parte fízika de'it, maibé tortura la'ós ba ita isin de'it, timoroan se ita hateke filafali ba kotuk rezultadu konsulta populár 1999 nian ita hadi’a konkluzaun ida katak mais de 78% timorense sofre tortura pisokolojia ita-nia psikolojia kanek ita-nia estadu psikolojia kanek, tanba torturasaun da mentalidade”, dehan Manuel Cárceres iha salun CNC, Balide, sábadu (26/06).

Haree filafali ba kotuk timoroan moris iha torturasaun nia-nia laran durante tempu kolonializmu nia prezensa iha Timor-Leste ne'e mós hola parte timoroan sira hasoru iha istória pasadu ninian.

Iha tinan 1975 mai timoroan rasik mak halo tortura ba malu ikus mai intervensaun internasionál, intervensaun ne'e lori tempu durante tinan 24 nia laran.

“Tortura oin-oin ita hasoru, kuandu kaer maluk sira iha Manatuto balun sei moris balun mate ona, lori de'it alkate mak losu ema nia liman kukun simplesmente impoen violénsia sira para sira bele hatete sai guirilleiru sira hela iha ne'ebé e balun halo tortura ho nia prazer ho nia gostu ho nia hakarak, forma violénsia sira ne'e ita hanaran tortura”, dehan nia.

Iha fatin hanesan Diretór Ezekutivu Centro Nasionál Chega (CNC), Hugo Fernandes hatete, durante ne'e CNC konsege rejista vítima feto hamutuk rihun 20.000 resin.

“Se ita haree husi ita-nia istória pasadu CAVR relatóriu Chega ne'e mais de 20.000 ita mil vítima sira maibé ha'u hakarak hatete katak ne'e la'ós ema hothotu, maibé ne'e uluk ema ne'ebé CAVR konsege rejista maibé ha'u fiar katak númeru boot liu hanesan ohin ita rona durante tinan 24 okupasaun Indonézia, kuandu eventu boot ruma akontese ita-nia inan aman sira ne'ebé mak envolve iha klandestina sempre sai alvu ba detensaun ba tratametu no tortura”, dehan Hugo. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter