“Ita iha por volta de instituisaun 90 mak ita notifika ba faze inísiu arrolamentu ninian no insituisaun autónoma instuisaun direta ka indireta sira ita notifika ka ita komunika ona atu nune’e kolabora ho autoridade kompetente hodi bele fó dadus sira ne’ebé ita haree katak nesesáriu atu priense ba deklarasaun rendimentu bens ninian iha baze de dadus KAK”, dehan Sergio Hornai iha Sekretiu Estadu Juventude no desportu, Lesidere, kinta, (24/06).
Baze dadus ne’e importante liu atu komfirma diretór jerál hira mak iha Sekretáriu Estadu, Diretór Nasional, Xefe Departamentu nomós funsionáriu afetadu iha deklarasaun no aprovizionamentu.
Nune’e mós kontratasaun públiku ne’e nain hira, ho nia membru agregadu família, kaben ka solteiru, divorsiadu, no ema na’in hira mak hela ho nia, dependénsia ekonómika ne’e, iha oan minoridade na’in hira.
Antes ne’e Ministériu Ensinu Superior Siénsia no Kultura, Longuinhos dos Santos, deklara simu ona pedidu husi KAK atu aprezenta riku-soin.
“Sim, ami simu ona pedidu husi KAK no ami haruka ona submete ona ba KAK kona-ba aprezenta riku-soin, haruka ona dirijente sira hodi relata riku-soin ba KAK tanba estadu mós hakarak husu kontribuisaun dever ema hotu nian”, dehan nia.
Dadaun ne’e rejistu deklarante hamutuk 700 resin, no hirak ne’ebé mak sujeitu ba deklarasaun hamutuk rihun-ida-atuhitu (1700) agregadufamiliar ne’ebé mak rejista ona KAK no sei kontinua esforsu atubele kompelta arolamentu ba deklarante sira. (*)
