Login to your account

Username *
Password *
Remember Me

Lori Karreta Estado ba Kupang, Diretora KI Nain Rua Sai Arguida Featured

Kareta KI hirak ne'ebe antes ne'e uza matrikula privadu maibe ohin nakfilak ona ba Matrikula Governu ninian ne'ebe para hela iha resinto edifisiu KI ninian Kareta KI hirak ne'ebe antes ne'e uza matrikula privadu maibe ohin nakfilak ona ba Matrikula Governu ninian ne'ebe para hela iha resinto edifisiu KI ninian Foto Tempo Timor

Tempotimor (Dili) - Ministeriu Publiku, akuza diretora nain rua, ATS no LVDA hosi Konsellu Imprensa (KI) Timor-Leste, viola Kodigu Penal RDTL artigu 296, konaba Pekulatu de Uzu ka uja sasan estadu ba interese privadu.  

Primeiru interrogatoriu iha Tribunal Distrital Dili, Segunda (15/07/2019), Prokurador Sergio Tilman akuza mos arguida nain rua, viola Kodigu Penal artigu 297 konaba abuza poder. 

Arguida LVDA hatete, nia uza karreta estadu ne'e para konfirma otel iha Kupang no au mesmo tempo, lori ninia oan ba konsulta.

“Ha'u uza osan privadu hodi sosa kombustivel. Ha'u la simu perdiem no bainhira entrega filafali, karreta ne'e ho kondisaun dia'k,” LVDA esplika. 

Maski nune'e, sasin João Paulo nu'udar fiskal uniku KI nian hatete, arguida nain rua la hetan karta autorizasaun husi superior, bainhira hala'o viazem ba Kupang, Indonesia. Nia dehan, baibain bainhira KI hetan konvite husi nasaun seluk, tenki lori uluk ba plenaria hodi deside sei mak bele halo viazem.

“Iha kontekstu arguida na'in rua ne'e, la liu hosi plenaria,” João Paulo haktuir. 

Juiz singular Yudi Pamungkas deside, adia prosesu julgamentu ne'e ba loron 25 Jullu hodi rona deklarasaun hosi sasin seluk. Iha primeiru interrogatoriu ne'e, arguida nain rua hetan akompania mos hosi ida-idak nia defensora.

Rate this item
(2 votes)
Last modified on Monday, 15 July 2019 20:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter