Kuidadu Modu Bosok Servisu iha Irlanda! Ema na'in 4 sai ona Vitima Featured

Timor oan nain hat foto hamutuk iha portugal Timor oan nain hat foto hamutuk iha portugal FOTO suplai

Tempotimor (Dili) - Hafoin Governu Irlanda fo oportunidade ba timoroan hodi uza passaporte Timor-Leste ba servisu iha Irlanda. 

Aproveita situasaun ne'e, ema balun hahú uza modu ne'e hodi 'lohi' timoroan balun ba hela hanesan refujiadu iha portugal.

Iha entrevista via whatsaap iha loron Sesta, tuku 09:26 otl, timoroan ne'ebé atu fasilita señora Lucia ho nia-kolaga mane nain tolu atu ba servisu iha Irlanda ho pasaporte Timor-Leste ne'e hahú komunika ho sira katak liuhusi nia bele to'o iha Irlanda hodi servisu kedas.

Tuir Lucia ne'ebé sai vitima ba modu ne'e hateten, molok sira ba Portugal hodi hein Diva Maria dos Reis Alves mai foti sira iha Portugál, antes ne'e sira iha ona konkordansia hodi fó osan USD $350 kada ema ida. 

"Haruka ami fo osan USD $350 kada ema ida. Depois haruka tan USD $100 Para fó solisitór atu trata travel dokument ka Karta viajem nian. Entaun Haruka ami mai kona Portugál atu nia bele mai foti ami, depois haruka ami sosa Billete husi Lizboa ba Bealfast City, maibé to'o iha ne'ebá Diva taka mate telefone. Bainhira imigrasaun telefone atu nia (Diva) bele hataan ba kolega na'in rua ne'e katak nia mak sponsor ka lae, maibé telefone nia taka mate tiha", konta vítima Lúcia, liuhusi liña whatsaap ba Tempo Timor, Sesta (5/7). 

Bainhira problma ne'e mosu iha media sosiál, Diva promete atu selu fali osan iha 30 Juñu, maibé ate agora laiha. 

Durante iha Portugál, Lucia ho nia kolega sira ba husu apoiu ba Adidu Timor-Leste ba Portugal hodi rezolve, maibé embaixadór rasik laiha osan atu apoiu sira.

Entretantu adidu Timor Leste ba Portugal, Angelo Lafo hateten, timoroan na'in haat ne'ebé rekuza iha Portugal ne'e embaixada mak buka no lori mai embaixada iha Lizboa iha loron 24 Juñu tuku 15:30 oras portugal.

"Iha momentu ne'e, la'os sira maka ba aprezenta iha Embaixada mas husi Embaixada rona informasaun, depois maka buka tuir sira-nia numeru kontaktu depois mak ha'u ba buka tuir sira no lori mai iha Embaixada Timor-Leste iha Lizboa, pois ha'u husu tuir sira-nia problema iha Irlanda mak imigrasaun Irlanda rekuza sira" konta Adidu. 

Timoroan na'in haat ne'ebé maka rekuza mai iha portugal, agora dadauk sira atu fila ba Timor. Maibe konforme informasaun na'in rua seluk dehan sira atu ba tan Inglatera. Karik sira iha sponsor ona entaun ba too ne'ebá imigrasaun Irlandia nian bele simu sira, kuandu laiha bele rekuza sira.

Nia hatutan, timoroan  na'in haat ne'ebé sei rekuza iha Portugal tuir vistu ne'ebé iha atu fila ba Timor iha loron 10 Jullu 2019. 

Timoroan sira ne'ebé sai vítima ba modu ne'e maka Hermenio Yohanes husi Baucau, Mateus Camões (Ainaro), Nicodemos Barreto (Ermera) no Lucia de Carvalho (Dili). Oras ne'e daudaun sira hela iha sidade Amadora, Portugál.

Tempotimor.com koko ona kontaktu ba ema ne'ebe naran mensiona husi Vitima sira ne'e maibe nomeru refere disligado.

Rate this item
(7 votes)
Last modified on Tuesday, 09 July 2019 07:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com