Membru PN Depuatda Maria Anabela ne'ebé deskonfia komete kazu kombustível, mak Parlamentu Nasionál (PN) iha loron segunda (17/05) deside aprova ona imunidade ba deputada Maria Anabela Sávio, ho votu afavór 50.
Prezidente Parlamentu Nasionál (PPN), Aniceto Guteres hatete, deliberasaun kona-ba pedidu suspensaun funsaun ba deputada Anabela, kona-ba efeitu prosegimentu prosesu judisiál, ida ne'e hetan ona konkordansia husi reuniaun líder bankada, sesta (14/05).
"Iha 56 buletés de votu, afavor 50, kontra 3, abstensaun, votu em branco 1, no votus e nulus 1, ho ida ne'e pasa”, afirma nia iha plenária PN, segunda (17/05).
Iha fatin hanesan, Deputada Bankada FRETILIN, Maria Anabela Sávio hatete, nia parte prontu koopera ho justisa tanba sidadaun hothotu iha lei nia okos.
“Ha’u ba nu’udar arguida, prontu koopera tanba iha ita-nia nasaun ne’e lei mak bo'ot-liu, no laiha ema-ida mak bo'ot-liu lei”, dehan nia iha PN, sesta (14/05).
Kazu ida ne'e kona-bá kupon mina ka estesaun kombustível (Kompaña) Lafa'ek ne’ebé akontese iha tinan 2019.(*)